› 選擇地區
三藩市
紐約
洛杉磯
其他美國地區
香港 台灣 北美
 
2019年07月24日

林振強黃霑二創寸「慈祥鵬」

黃霑曾扮演聖誕老人演繹《慈祥鵬過聖誕》。

【本報訊】「慈祥鵬過聖誕 問我要啲乜嘢玩 我說畀個Passport我 慈祥鵬過聖誕 問我要啲乜嘢玩 刀還是劍 但我說畀個Passport我……」這首1989年六四後的二次創作惡搞聖誕歌《慈祥鵬過聖誕》,由「鬼才」林振強填詞,黃霑主唱,寸盡時任總理李鵬。新一代「惡搞詞人」梁栢堅形容《慈祥鵬過聖誕》是香港政治惡搞歌的始祖,流行至今而不衰,啟蒙他走上惡搞歌之路。

相關新聞:回憶錄打溫情牌 迴避八九

梁栢堅:25年後仍合用

梁栢堅表示,六四事件令港人對九七回歸憧憬幻滅,填詞界巨頭黃霑、林振強、黎彼德三人,那年將傳統聖誕歌改詞,「變成一堆政治Medley」,創作《香港xmas》大碟,堪稱本地粵語流行曲劃時代奇碟,引起公眾共鳴,叫好又叫座。其中一首《慈祥鵬過聖誕》,林振強將《The Twelve Days of Christmas》改到出神入化,單是歌名寸盡李鵬。

他說,當年只有12歲,聽兩遍歌詞已入腦至今,該首歌同一旋律重複12段,每段加一句,層層遞進,由「慈祥鵬過聖誕,問我要啲乜嘢玩但我說畀個Passport我」直到最後「慈祥鵬過聖誕,問我要啲乜嘢玩?輕談或對談、天安門旅遊、加拿大買牛、Walkman或網球、Disco、桌球、雞球或鴨球、風球或乳球。佢呵護我!只要我扮盲,不停讚不再亂彈,但我說畀個Passport我」。

他解釋,歌詞通俗易明,切合當年時代而引起共鳴,例如當年好興Walkman、Disco玩意,又有隔山買樓的「加拿大買牛」情況,大家一窩蜂申請移民;而人越年長,越感受歌詞的深度,其中一句歌詞「只要我扮盲,不停讚不再亂彈,但我說畀個Passport我」,歷經25年,仍適合現今政治狀況,「呢一句反映到黃霑、林振強睇共產黨睇得好通透。好似𠵱家左派,只要扮盲不停讚,就可以上位,做埋立法會議員,但暗地裏當中唔少議員仔女都喺外國讀書,有埋外國國籍。你話呢首歌幾經典」。
■記者蔡朗清

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載