› 選擇地區
三藩市
紐約
洛杉磯
其他美國地區
香港 台灣 北美
 
2019年07月24日

隔牆有耳:何君堯累建制 撐警活動煞停 - 李八方

何君堯斷正畀人影到同元朗恐襲無辜市民嘅暴徒握手,仲好友善咁有傾有講,無論佢點解釋唔關佢事,所謂有片有真相,一定入晒佢數,而呢單恐襲令全城震怒,全港各界都同佢割席,咁建制派又點?有民主派人士同八方講,公開割就唔可能,但私下個個鬧佢累街坊,唔單止怕影響自己選情,連地區一啲撐警活動都叫停,因為怕街坊一見白衫人,就諗起元朗暴徒。

有民主派中人同八方講,唔少建制中人見何君堯搞成咁好心涼,因為佢平日好寸,唔少建制派立會議員畀佢寸過同單打過,話人冇用、怕咗民主派,今次佢出事,好多建制派中人都暗爽,不過該民主派人話,建制始終唔可以公開同何君堯割席,甚至仍然要撐佢、支持佢,但行動上一定要保持距離,「有建制派直情同我講,以後有乜行動最好咪預佢(何君堯),真係唔好同佢企得咁埋。」

相關新聞:隔牆有耳:石鏡泉衰多口冇咗三球

街坊見白衫怕怕

亦有地區人士同八方講,原本建制喺好多區預咗搞撐警活動,但現在都暫時叫停,有地區建制人士同佢呻,現在街坊當正「着白衫=暴徒」,特別係新界區,有街坊甚至話見到一班白衫人都運路行,仲點叫着白衫落區撐警?所以何君堯今次真係累街坊、累建制!

李八方

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載