› 選擇地區
三藩市
紐約
洛杉磯
其他美國地區
香港 台灣 北美
 
2019年07月24日

何君堯受訪發爛渣敗走

【握手風波】
【本報訊】元朗日前有大批疑有鄉事背景的白衣人無差別毆打途人及記者,立法會議員何君堯被拍到與白衣人微笑握手,並稱「辛苦晒」、「你係我嘅英雄」及豎拇指讚好。香港電台《視點31》昨早直播訪問何君堯及民主派議員朱凱廸,何被質問曾在facebook直播稱「打到你哋片甲不留」,何君堯辯稱是真情表達,聲言「唔係真係要動粗嘅意思」。何又多次要求朱凱廸「對住鏡頭講,呼籲停止光復行動」,朱拒絕,反要求政府釋放被捕示威者,何君堯不滿,發脾氣拍枱離場。
記者:周婷

直播節目《視點31》初段,何君堯要求「唔好將握手事件擴大化」,辯稱「握手之後,佢哋(白衣人)有冇打鬥,要等警察一齊去調查」,他與任何人握手都不後悔。主持人追問何君堯,前日再流傳元朗、屯門一帶有幫派打鬥,令居民不敢外出、商店落閘,質問這是否何口中的「保家衞族」?何君堯辯稱保家衞族只是概念。

相關新聞:家長恐慌 區內學校叫停暑期活動

「太陽能?光復係乜嘢意思?」

朱凱廸則怒斥7.21事件是港版義和團事變,諷刺說:「我唔知何律師有乜嘢角色,但你啲好朋友已經着咗草啦。」主持人再追問,7日21日下午網上已流傳白衣人集結,質問何君堯是否有收到相關消息,何僅稱自己「冇任何參與」,轉而攻擊民陣遊行,指民陣偏離遊行路線,又指控林卓廷帶黑衣人入元朗挑釁,朱凱廸即場怒轟:「請你唔好再抹黑林卓廷,我警告你,你憑乜嘢?」

有網民發起周末「光復元朗」行動,何君堯要求停止所有光復行動,「太陽能呀?光復係乜嘢意思呀?光復即係有暴力!」何其後不斷伸手搭着朱凱廸肩膊,用力搖他,多次要求:「我𠵱家畀時間你,你對住鏡頭講,公開呼籲停止光復行動。」朱凱廸拒絕並說:「一日政府唔回應市民訴求,唔肯面對政治責任;成立獨立調查委員會、唔肯撤回法例、唔肯釋放被捕人士……」何君堯即插口,指他把暴力帶入社會,「你簡直係人渣!」然後拍枱起身,離開時還指罵朱凱廸「你不配做我哋嘅議員」,一名直播室現場人員即反斥何君堯:「你都唔配呀!」

市民怒罵「躝去大灣區,垃圾」

何君堯其後接受傳媒訪問,對於再有網上片段顯示何的握手對象疑似在7.21晚有份打人,何再辯稱:「我同任何人握手,唔代表贊同犯法或煽動犯法嘅行為。」他續說:「我同任何人都好有感情,我做議員,識嘅、唔識嘅,我都會去服務佢哋。」有記者追問何會否跟白衣人割席,何君堯用手指指向不同記者及在場人士說:「你又着白色、佢又着白色、佢又係着白色。」

有不滿何君堯的市民得知他昨早接受港台直播訪問,集合在港台閘門外抗議,何君堯原本在港台正門登上座駕,但其後自己走到大閘前,指示保安開閘。有人向何掟鞋,對何怒斥:「你躝去大灣區啦,垃圾!」同時有多人追問何是否有美國國籍,以及是否正申請移民到美國,何君堯聲稱:「冇呀,冇呀,完全冇。」雙方擾攘一輪後,何登車離去。

相關新聞:航空界發起機場反警集會

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載