› 選擇地區
三藩市
紐約
洛杉磯
其他美國地區
香港 台灣 北美
 
2019年07月22日

何韻詩質疑警方變陣挑撥情緒

何韻詩昨現身遊行,指單日的遊行人數非重點,如何持續才是關鍵。陳俊強攝

【本報訊】民陣昨日再次發起遊行,何韻詩於下午2時左右現身起步點維園,問到她對遊行人數有何預期,她說:「𠵱家個運動嚟到呢一刻,都唔係單睇一日半日嘅人數,其實我哋點樣持續落去先係一個關鍵,我覺得大家要保持一個冷靜嘅心,因為好明顯警方用咗唔同嘅方法,去鎮壓大家嘅行動,某程度上都係挑撥緊大家嘅情緒。」

談到是次遊行的終點設於正在舉行書展的灣仔,會不會擔心大家的安全,何韻詩說:「呢啲都擔心唔嚟,其實負責任嘅應該係警方,都唔知點解,佢哋明知會引起混亂都仲咁做,希望大家互相守護、互相照顧。」

相關新聞:何君堯與白衣人握手讚「英雄」

王宗堯隨人群到金鐘

記者下午5時半左右,在太古廣場外遇見王宗堯,其間有人集郵,更稱呼他作男神。

王宗堯稱這次是「最短遊行路線」,他說剛剛隨遊行人士去到修頓,但大家繼續向前行,所以亦跟人群去到金鐘:「件事好詭異,沿路都冇警察,唔知佢哋匿喺邊,唔知係咪做佈防。」王宗堯呼籲:「總之就be water,應嚟就嚟,應走就走。」

前日肥媽為撐警集會擔任主持,台上更加呼籲群眾在區議會選舉投票,王宗堯多謝肥媽講真心話:「好感恩呀,肥媽都有叫投票。佢講得真係好啱,立法會議員咁衰,又送晒啲仔女去外國。我哋真係要爭取多啲議席,就算佢用乜嘢揦鮓手段DQ都好,選戰都係其他戰場。」
■記者盧坤頴、黃君怡

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載