› 選擇地區
三藩市
紐約
洛杉磯
其他美國地區
香港 台灣 北美
 
2019年07月22日

隔牆有耳:
至吸Like反送中民主派 
鄺仔暈一暈 魅力驚人 - 李八方

歷時兩個月嘅「反送中」運動冇大台,唔等於一班民主派議員冇嘢做,佢哋都一直喺途上與市民同行,以人盾擋住警察防止亂嚟、到喺衝突現場同參與者研定對策,唔少場景大家都記憶猶新。八方喺7.21遊行亦做咗個非正式又唔科學統計,訪問咗幾位上街反惡法者,對邊位議員「反送中」表現印象最深?最近頻頻喺外媒見報嘅民主黨鄺俊宇,會唔會大熱跑出?

險勝岳少胡志偉

八方噚日趁遊行就落地問吓遊行人士心聲,發現兩人真係叮噹馬頭。教書先生相信都係正氣派,八方咁啱問咗兩位老師,不約而同都點名大讚6.12當日喺佔區領奔走、保護學生時一度虛脫暈倒嘅鄺神,張Sir特別欣賞鄺神可以穩定群眾,邱Sir則讚鄺神喺前線做好多嘢,佢仲知道以前人哋只係叫鄺俊宇做鄺仔,𠵱家已經升格做「鄺神」㖭。

楊岳橋當然都唔係省油燈,而佢女性緣非常強。學生譚小姐最有印象就係岳少,話岳少成日喺YouTube拍片,例如遊行完會講解返當日情況,表現唔錯。做文職嘅盧小姐就好欣賞岳少講嘢好有理據,例如強調處理台灣殺人案同「送中」,唔應該混為一談,但盧小姐亦都對鄺神與市民同行、保護示威者嘅表現有好好嘅印象,可見鄺神唔只得男粉絲。

而喺岳少、鄺神以外,有唔少民主派議員嘅表現都好突出,好似民主黨主席胡志偉6.12衝突現場以肉身擋住警方向年輕人推進,高呼「我要見指揮官!」兼硬食催淚彈一幕,亦令邱Sir同埋做建築嘅朱小姐印象難忘。

李八方

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載