› 選擇地區
三藩市
紐約
洛杉磯
其他美國地區
香港 台灣 北美
 
2019年07月14日

侯志強派飲品 簡炳墀反水客

侯志強昨設水站,向遊行人士派發飲品。

【本報訊】盛傳曾經以中間人身份游說主辦單位取消昨日上水遊行的上水區鄉事委員會主席侯志強,昨日在遊行路線中途設立水站,向遊行人士派發飲品。對於遊行人士不滿太多水貨客,他指,世界各地旅客都會購物,人之常情,「如果成個市都靜晒,工友冇工做,開飯咪冇錢開囉」。

相關新聞:三萬人示威 店東也聲援

侯:對送中例沒立場

對送中條例,侯說沒有立場,「最緊要我有工作、有飯食,世界和平,大家都好,至於嗰啲乜條例,有人滿意,有人唔滿意,大家各自表述囉,我覺得有乜嘢都係大家商量囉」。他說:「撤唔撤回一個詞語問題啫,睇大家點去理解囉,如果你畀我,我講乜都得喇,香港最高領導人有佢嘅考慮吖嘛,我點知佢個腦係諗乜嘢呢?你問我,撤乜都得喇!」

曾被侯舉報賄選而導致入獄的鄉議局永遠顧問簡炳墀則加入遊行,他說﹕「梗係有同政府講(水貨客問題),但個政府廢㗎!」他表示支持遊行表達訴求,「踢啲水貨客走,叫佢哋返鄉下」。簡續說:「中國大陸邊有文化㗎,叫佢哋(內地人)返番去啦,唔好搞亂上水,叫佢哋唔好搞咁多嘢!」對於《逃犯條例》修訂,他慨嘆:「五十年不變,𠵱家已經變喇,咁個政府冇用啦!」

■記者李雨夢

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載