› 選擇地區
三藩市
紐約
洛杉磯
其他美國地區
香港 台灣 北美
 
2019年07月14日

拒辭行會 葉劉:撐政府就要炒?

【本報訊】政府硬推《逃犯條例》修例觸發管治危機,多位政界重量級人士均要求官員和行政會議成員請辭,但身兼行會成員的新民黨主席葉劉淑儀認為特首和官員毋須問責下台,亦毋須改組行會,反問「係唔係公開支持政府多就要炒佢呢?冇咁嘅邏輯」。她認為林鄭月娥不能只躲在禮賓府,建議她日日「快閃落區」。

葉劉昨出席電台節目時指,自己與另一行會成員湯家驊因較熟悉法律,故多代表行會解畫,不能因為她多次公開支持政府多就要求她辭職,強調整個行會一致認同修例,稱「要炒係唔係全部人都炒晒?」她稱現屆行會包括不同光譜成員,任志剛、周松崗等熟悉金融和商界、林正財熟悉安老、召集人陳智思與泛民有聯絡,亦有政黨中人提供意見,毋須改組。

相關新聞:三萬人示威 店東也聲援

倡林鄭「日日快閃落區」

對於另一行會成員羅范椒芬上周指,有個別官員自願下台未嘗不是好事,葉劉不認同:「佢講就容易!搵邊個替呢?特別𠵱家政府環境比較困難,邊個願意做律政司或者保安局局長呢?至怕越換越差,換人唔換局冇用嘅」。惟她同意林鄭應多聆聽市民意見,呼籲林鄭「勇敢啲」主動落區,即使「俾人圍」仍要「日日落,快閃落」,「一定要將個理由解畀佢(市民)聽,例如特赦係冇可能嘅,大大聲講畀年輕人聽,(林鄭)要主動啲」。

至於坊間要求成立獨立調查委員會調查事件,葉劉不同意,稱委員會權力及調查範圍有限,只能傳召證人及要求提供證據,不如執法部門主動作出調查。她又指今次運動有更高層次的事需調查,包括外國勢力介入以及民主派議員在示威者衝擊立法會大樓時的角色等。
■記者陳嘉裕

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載