› 選擇地區
三藩市
紐約
洛杉磯
其他美國地區
香港 台灣 北美
 
2019年07月12日

隔牆有耳:立會大清洗 睇漏X你老母 - 李八方

因反送中示威者7.1佔領立法會,而要發出「紅色警示」嘅立法會,喺「封館」10日後,噚日朝早8點正式局部重開,議員、議助、秘書處職員,都可以返回立法會大樓工作。過去幾日記者未能進入立法會大樓,而要喺室外日曬雨淋,搵個廁所都唔方便,噚日大家終可返回冇受到示威者任何破壞嘅立法會記者室開工。

重開一小時後抹走

然而由於飽受衝擊嘅立法會地下、一樓同二樓,現時已變成搶修中嘅「工地」,立會秘書處喺上述地方都用白色圍板封住,記者未能進入,採訪區仍要繼續暫時設於立法會大樓外嘅範圍,不過秘書處相當貼心,噚日特別喺蚊患嚴重嘅該處加噴蚊油,又加設兩把電風扇畀傳媒用。

至於早前喺立法會出現嘅多個反送中塗鴉,立法會秘書處噚日已用新牆紙遮蔽。記者噚日唯一仍能見到嘅示威者塗鴉,就係喺立法會男廁一個廁格內嘅「收皮啦 X你老母po po」,但記者室重開後約一小時,職員就已經抹走埋。

根據立法會秘書處向議員提供嘅資料,立會大樓嘅議員辦事處、秘書處職員辦事處、記者室、5樓嘅設施(咖啡角、天台花園及所有會客室)噚日起重新開放,立會亦會開放天橋入口及地下公眾入口2,以及立法會停車場。

至於立法會地下大堂及所有會議設施則會繼續關閉,所有教育導賞團及公眾服務(包括公共申訴辦事處、立法會圖書館、檔案館及兒童學習室的參觀活動)會暫停,餐廳亦繼續暫停營業。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載