› 選擇地區
三藩市
紐約
洛杉磯
其他美國地區
香港 台灣 北美
 
2019年07月09日

「林鄭冇晒癮」 估計中央不准辭職

田北俊在電台節目中指,相信林鄭月娥已對做特首「冇晒癮」。張志華攝

【本報訊】特首林鄭月娥直到今天仍拒絕接納反送中市民提出、包括撤回惡法及下台等訴求,令市民對港府不滿不斷升溫,田北俊相信林鄭已對做特首「冇晒癮」,「但可能中央唔畀佢辭職」,至於保安局局長李家超及律政司司長鄭若驊,田指兩人應問責下台,又批評鄭「幫政府倒米多過乜」。

田北俊在電台節目中指,市民要求林鄭月娥下台,他指林鄭「好叻、又勤力」,又指她現時民調評分比梁振英還低,是四屆特首中最低,「以前考慣第一,做咩都叻晒,忽然喺市民考第尾,相信對佢打擊好大」,今次事件令她「一鋪清袋」,相信她已對做特首「冇晒癮」,「我覺得佢係唔想做,行會又唔開,佢絕對唔想日日俾人鬧」,但田認為中央未必會讓她辭職。

至於負責推銷送中惡法的李家超及鄭若驊,田認為李家超要就今次事件下台是「冇乜大問題」,認為可由警務處處長盧偉聰接任保安局局長,「盧偉聰都夠鐘退休,盧偉聰接收呢個位(保安局局長)一樣勝任」。

相關新聞:無辜女路人:唔再信佢哋有良知

轟鄭若驊「幫政府倒米」

至於在今次推動惡法時,每次都「講嘢一嚿嚿」的鄭若驊,田北俊批評是「幫政府倒米多過乜」,「成日話巿民唔明,律政司司長都解唔明,咪巿民唔明囉」,認為鄭亦可以考慮辭職,以平息公眾不滿。
■記者林俊謙

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載