› 選擇地區
三藩市
紐約
洛杉磯
其他美國地區
香港 台灣 北美
 
2019年07月08日

明哥:延續6月起義動力

【本報訊】反送中運動浪接浪,仍有藝人願意站在良知一方繼續與港人同行。歌手黃耀明7.7遊行再現身,他認為是把6月的起義動力伸延下去,當看到反送中運動遍地開花,感到高興,也不覺累,「好似韓國(前總統)朴槿惠下台,都係民眾連續十幾個禮拜出嚟集會同遊行,最後先令到政權落台,所以希望大家千祈千祈唔好覺得攰,攰嘅時候唞一唞,另一班人上,下個禮拜再嚟過」。

相關新聞:學生自製簡體字單張派內地客

葉德嫻讚年輕人偉大


明哥形容林鄭月娥連日「龜縮」恍如無管治狀態,「繼續做大家諗到嘅嘢,繼續上街、抗議,話畀世界知香港人正面對嘅嘢,而呢樣嘢係會影響到全世界」。

對於日前譚詠麟、鍾鎮濤、梁家輝等藝人出席撐警集會,明哥認為他們或不認清真相,「我呼籲同行或者香港人,應該要睇清楚現實、真相嘅全部,唔好俾人哋send一、兩張圖或message,你就妄下判斷,100、200萬香港人出嚟,唔通咁多香港人,你哋覺得佢哋係錯咩?」

一直與反送中市民同行的演員王宗堯也現身遊行,「我發現18區湧現好多香港人出嚟,大家行嘅時候會報以微笑,呢樣係某種香港人嘅精神」。他鼓勵大家不要灰心,勞累或失眠時,不如適時休息,感受身邊人的溫暖。

他又分享遊行期間遇到的趣事:「有個伯伯回收垃圾,聽到佢大嗌『有冇林鄭?』呢啲小幽默希望可以令大家放鬆一下。」

繼日前反送中示威者的悼念會後,葉德嫻昨再出席遊行,她讚揚年輕人十分偉大,示威者7.1當晚抬走立法會死士的舉動令她非常感動。抗爭運動發展至今已有四人尋死,退隱樂壇17年的彭羚前日罕有地在社交網站出帖文,上載蠟燭和用茄子砌成花圖案的相片,為市民打氣:「前面的路是難行的,但出路一定不只一條。愛香港也得先愛惜生命。」
■記者盧坤穎、鄧溢禧

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載