› 選擇地區
三藩市
紐約
洛杉磯
其他美國地區
香港 台灣 北美
 
2019年07月04日

岑敖暉:制度暴力令青年絕望

岑敖暉(左)稱政府在接連悲劇下堅持舉行7.1升旗禮,觸發衝擊立法會事件。

【本報訊】港府及建制派連日炮轟不容暴力抗爭,但未有關注年輕人緣何衝擊。7.1當日凌晨5時半開始在立法會「煲底」留守的學聯前副秘書長岑敖暉昨於商台節目直指,回歸後的政制問題加上先後有三名反送中的年輕人輕生,令示威者感到絕望,但政府在接連悲劇下堅持舉行7.1升旗禮,示威者未能到場表達訴求,「政府唔單止唔回應,仲要大張旗鼓慶祝」,認為是觸發衝擊立法會的主因,憶述當時在立法會外的示威者討論時瀰漫絕望情緒,「結構性制度暴力下,仲可以做啲乜嘢?」

主持人問及會否擔心被指「美化」暴力時,岑敖暉稱不覺得闖入立法會的行動「好暴力」:「無論由中午衝擊到闖入,冇一位朋友係想傷人,破壞對門都係想佔領立法會,入到去係做非一般暴徒做嘅嘢,係有指向性及針對性,有人保護文物與文件,有冇見過暴徒去攞嘢飲會擺低錢?」

相關新聞:被捕者受驚 :是但搵個人祭旗

轟政府屢DQ礙發聲

岑敖暉強調年輕人想走入制度為同齡人士發聲,但政府過去幾年將大部份人的參選權、被選權及投票權也剝奪,反斥:「呢班人有乜資格話打爛幾塊玻璃好暴力?你連幾十萬張票,唔好話唔理、唔聽,直情DQ埋,當冇到冇出現過,褫奪咗佢哋嘅議席」。

同場的工黨立法會議員張超雄同意升旗禮象徵主權移交,但過百萬人上街反送中及促林鄭月娥下台後,「仲要舉杯慶祝」,令到年輕人相當絕望,相信年輕人經過考慮下衝擊立法會,「佢哋要以死相搏,係集體自毀行為,政權冇可能明白呢種情緒」。

張超雄又表示,立法會損毀程度以一般情況而言是很嚴重,但認為示威者只是針對性破壞,而非肆意破壞,「實際上毀壞嘅係權力嘅象徵同裝飾,因為呢個權力過去極之不公義」。

■記者許偉賢

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載