› 選擇地區
三藩市
紐約
洛杉磯
其他美國地區
香港 台灣 北美
 
2019年07月02日

袁彌明不信林鄭會改變

【本報訊】前港姐兼人民力量前主席袁彌明和丈夫林雨陽、爸爸袁弓夷昨日有份遊行,袁彌明更指和爸爸就反送中已經是六次遊行。

相關新聞:警反常善待記者 猶如拍《警訊》

「佢老闆根本唔係市民」

問到袁爸爸是否為年輕人很心痛?他說:「佢哋好嘢啊,力量吖嘛,係要靠年輕人喇,我哋呢輩個個都貪生怕死。」袁彌明說:「以我爹哋呢一輩,佢哋已經係賺咗錢,已經係過緊好好嘅生活,根本就唔理解,仲話啲學生係買唔到樓而走出嚟,𠵱家係講緊自由、人權,講緊少少嘅自由、人生安全都冇,警察亦都保護唔到我哋。」

談到特首指會改變管治的方法,問袁彌明是否相信?她說:「佢嘅老闆根本就唔係香港市民,佢係睇北京頭做嘢,佢有乜嘢改變?有改變就下台啦!」談到期望,袁爸爸就指要換人、雙普選,袁彌明補充:「最終要返番去普選,立法會同行政長官全面普選。」袁爸爸續說:「問題係中聯辦,一日中聯辦唔返北京,一日都唔會有一國兩制。你打開中國個地圖睇吓啲自治區,有邊個自治?一個都冇,就係咁,呢個都係自治區嚟。」

■記者羅慧敏

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載