› 選擇地區
三藩市
紐約
洛杉磯
其他美國地區
香港 台灣 北美
 
2019年07月02日

王宗堯堅持「九唔搭八」

【本報訊】一向關心香港社會政事的藝人王宗堯(圖),昨下午4時多於銅鑼灣接受訪問,被問到上街目的,王宗堯說:「今日都係繼續嚟支持,因為7.1啦,同埋都想繼續喺大家嘅一分子裏面。」

相關新聞:警反常善待記者 猶如拍《警訊》

蘇玉華潘燦良拖手現身

談到有甚麼訴求,「唔識講,由有訴求變咗冇訴求,(政府)都係唔會聽㗎啦,𠵱家我哋唯一可以做嘅,就係自己做自己可以做嘅嘢,每樣嘢都要試吓,我哋繼續將香港發生嘅事話畀國際聽。所以我覺得媒體、有影響力或者有機會發聲嘅人,盡量用自己能力去將呢件事話畀國際聽,始終香港係國際大城市之一。我見我哋大家有將我哋嘅新聞或者訊息喺國際報紙上攞到版面,好值得鼓舞。」

提到樂壇「校長」譚詠麟、梁家輝及鍾鎮濤前日出席撐警活動,王宗堯說:「我覺得每個人都有每個人選擇啦,人各有志大家政見唔同,唔需要再喺呢件事上斟酌,佢有佢撐嘅,我哋有我哋繼續九唔搭八,冇乜所謂。」演員蘇玉華和男友潘燦良昨日都有拖手現身銅鑼灣,太極成員劉賢德亦在遊行隊伍中高舉相機拍攝。

■記者羅慧敏、馬建華

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載