› 選擇地區
三藩市
紐約
洛杉磯
其他美國地區
香港 台灣 北美
 
2019年07月02日

中學生:行動升級撤惡法

大批示威者佔領金鐘夏慤道,並以雜物架設路障。許頌明攝

【7.1大遊行】
【本報訊】上月103萬人用腳步守護我城、200萬+1人逼爆港島,要求撤回送中惡法的聲音響徹全城;港人昨日再次頂着酷熱天氣走上街頭,向當權者宣告,港人訴求從一而終,堅持送中惡法不撤不散。有從未參與衝擊的中學生炮轟政府漠視民意,認同下一步要將行動升級,包括用鐵馬衝擊及包圍政府部門;亦有市民直言需外國勢力介入,才能撤回惡法。
記者:伍雅謙 鍾雅宜 譚靜雯

2003年7月1日,50萬人上街反對23條立法;16年過去,港人再次走上街頭要求撤回《逃犯條例》修訂。一日不撤回,一日不退場,民陣昨發起的遊行當中不少人都毋忘初衷,繼上月兩次大遊行後再次上街反惡法。

相關新聞:警反常善待記者 猶如拍《警訊》

「希望唔好用槍對付我哋」

90後周小姐形容自己以往是港豬,經歷反國教一役後,對香港很失望「乜都唔想理」,但今次反送中事件令她覺醒,「6.9、6.16都有去,好多人關心,所以為咗下一代都要行出來」。她直言,經歷兩次過百萬人遊行後,政府仍無動於衷,「冇理由唔再行出嚟,要堅持撤回惡法,暫緩唔收貨」。

讀中五的余同學及曾同學昨是第二次參與反送中遊行,二人異口同聲表示不接受暫緩修例,「講得都唔清楚,可能會重新推返,政府嘅回應好似冇講過嘢咁」。余同學認為,6.16有200萬人遊行,但政府仍未回應,曾思考7.1是否仍出來遊行,最後決定上街,「再唔堅守就冇喇,堅信自己,做一樣嘢你覺得啱嘅,就去做囉」。她直言從未參與任何衝擊行動,但認同下一步需將行動升級,「上次6.16我哋咁和平,政府都冇人理我哋,甚至有人犧牲咗,升級行動可令政府更關注同埋撤回……推鐵馬都要,希望政府唔好用槍對付我哋」。曾同學也認為,行動應由和平遊行升級至包圍政府部門,阻止部門運作,「主要係政府,唔係影響市民」。

背着吹氣鱷魚的阿添,鱷魚公仔上貼着林鄭二字,以諷刺林鄭的「鱷魚淚」,「我搵咗好多日,搵到同林鄭月娥同一種生物,就係冷血、喺地球上存在咗好耐嘅鱷魚」。他批評,送中惡法是精心設計以取代23條,要將港人送中受審,「大陸點審呀?你睇吓王全璋律師,佢老婆要過咗幾多年先見到佢?嗰啲叫陽光司法呀?」

全職爸爸:要靠外國出手

他認為中央及港府在尋求下台階,「只要香港人未死晒,佢都會有壓力,香港好在有外國勢力」,認為《香港政策法》能令大陸投鼠忌器。他又指,7.1遊行後大家仍然可以各有各做,「冇大台、自由民主行動」,又勉勵年輕人「要抗爭係要不停操fit,列寧講過敵人是永不睡眠的,我哋都唔可以睡眠,要不斷警醒,裝備好自己,以應對不同挑戰,所以唔好灰心,冇一個強權係唔倒嘅,人民必勝,除非佢殺晒我哋,但佢唔敢!」
育有一個16個月大孩子的全職爸爸卓先生坦言,最終要其他國家干預才能撤回惡法,「冇其他國家講嘢,特首係唔會理」,雖然想避免被指外國勢力干擾,但現時「已經冇辦法㗎喇」。

相關新聞:四衝擊行動 由示威者投票選擇

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載