› 選擇地區
三藩市
紐約
洛杉磯
其他美國地區
香港 台灣 北美
 
2019年07月02日

設計師漫畫籲港人振作

Kit Man創作漫畫,鼓勵港人不要絕望。

【本報訊】接二連三的犧牲,把回歸22周年的維港上空添了一層灰。多媒體設計師Kit Man有感於抗爭者不必要的輕生,趕忙作下四格漫畫,在facebook分享,期望這城保持曙光。

相關新聞:警反常善待記者 猶如拍《警訊》

「大家一齊就有希望」

「我哋睇唔到希望,因為我哋就係希望。時代令我哋走在一起,等我哋一齊發熱發亮!香港人,一齊上,別走散,別離隊。香港人,加油!」Kit Man在facebook的貼文寫道。網民也留言說:「我覺得光明嘅一刻始終會來臨,只要堅持住。」

他昨日也有參與遊行,也有到過金鐘示威現場觀察。他說:「我好怕大家睇唔到希望,有啲抗爭者用犧牲嘅方法處理,我覺得行到呢步未免太過漆黑。」

他承認自己也是長時間處於好灰的狀態,「但係人生就係咁,要頂落去,只要大家一齊,就有希望」。

Kit Man表示,已不寄望政府會做些甚麼制止悲劇發生,「我對呢個政府已經冇晒希望,佢哋嗰種冷血、冇良知,由梁振英時代到𠵱家都係咁,都係咁冇人性」。

不過,他說香港人仍然要爭取下去,「做到咩冇人知,只要唔好放棄,始終會有啲嘢會發生」。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載