› 選擇地區
三藩市
紐約
洛杉磯
其他美國地區
香港 台灣 北美
 
2019年07月02日

戰友:我哋同暴政鬥長命

接連有反送中人士輕生,遊行人士哀痛之餘,呼籲大家互相支持。王心義攝

【7.1大遊行】
【本報訊】過去兩星期,接連有年輕人留下反送中語句後自殺,涉及三條寶貴生命。昨日7.1大遊行隊伍中充滿哀悼聲,有大學生直斥政府冷血,「200萬人出完來,政府冇理過,所以先會有人想以死明志」,但不希望再有人犧牲,「我覺得如果有勇氣跳落去,不如先一齊企上前線」。有遊行人士認為,事件反映年輕人對政權絕望,雖然尊重死者決定,但盼望香港人「撐到底,活着鬥長命」。
記者:王春怡 李雨夢 周詠雯 周 婷

相關新聞:警反常善待記者 猶如拍《警訊》

昨日的遊行人士對接連有反送中人士輕生感到痛心。大學四年級學生陳同學坦言,對接連有反送中人士輕生十分難過,不希望再有下一個,眼看政府一直沒有回應民間訴求,她一度情緒低落得吃不下飯,形容以100分為滿分,絕望指數已達到99分,剩下1分是希望,「如果唔係都唔會再出來啦,就係明知絕望都要走出來?」

同行的郭同學指,留意到曾站在前線的朋友情緒低落,出現手震、浮現衝突畫面等心理創傷症狀,「往往係靜落來嘅時候情緒最低落,我自己有時都好想唔睇(新聞),但真係好難做到」。郭同學昨日亦主動說要陪陳同學上街,笑言「佢成日自己一個」,她希望灰心的年輕人知道,「睇吓現場,其實仲有好多人支持緊你哋」。

醫護轟林鄭逼市民入絕境

21歲王同學斥責林鄭月娥一意孤行,等同「他殺」,「咁多人出來你都唔肯講撤回,我覺得係賤格,只係等大家丟淡件事之後就可以重啟,林鄭講句撤回,可能救返三個人」。對於接連有人輕生,王同學承認自己也情緒低落,「呢個月係20年以來最漫長,但見到仲有咁多後生仔出來,我唔會絕望」,他寄語年輕人「唔好死」,留下性命可以做更多。

手持白花參與遊行的邱先生表示,自從得悉有反送中人士輕生,「感受當然係唔好」,認為香港向來是比較穩定的社會,「𠵱家居然會有人因為政治訴求或理念犧牲,喺香港係好少見」。他認為社會情緒由雨傘運動後便開始積累,現時再送中惡法的導火線下引發,政府必須出來回應有抗爭者輕生的事實,「無論佢撤唔撤回、下唔下台,𠵱家都係搞出咗人命」。

任職醫護的林小姐則認為,接連輕生事件顯示出年輕人的絕望,「唔好問佢哋點解,但係會感受到佢哋嘅絕望,好似喺度冇出路,所以先咁樣選擇,真係好可惜」。她認為某程度是政府把市民逼上絕境,「如果一個愛市民嘅政府係唔會咁樣」,認為要靠彼此支持及鼓勵,「大家係可以一齊去面對,真係要去陪伴佢」。

早前在太古廣場墮下身亡的梁姓男子,曾留下反送中遺言,昨日大遊行起步前,陸續有人到場悼念。

相關新聞:四衝擊行動 由示威者投票選擇

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載