› 選擇地區
三藩市
紐約
洛杉磯
其他美國地區
香港 台灣 北美
 
2019年07月02日

年輕人最想Out何君堯

除何君堯(圓圖)廣受年輕人不滿外,市民石小姐(右)亦希望踢走保險界陳健波。

【本報訊】昨天有份上街的市民,大多想踢走硬撐送中惡法的保皇黨,當中更以搞撐警活動的新界西直選議員何君堯成為最多人想Out出局的建制派。首次登記做選民的林小姐覺得建制派立法會議員中以何君堯最討厭,「見到佢啲直播,佢講嘅內容同所有嘅嘢,唔係和諧返社會個局面,而係令巿民更加分裂,所以我唔鍾意呢啲人」。

相關新聞:警反常善待記者 猶如拍《警訊》

陳健波被轟本末倒置

今年21歲的大專生鄧同學直指建制派大部份議員都很「乞人憎」,指他們才是「搞亂香港」的源頭,當中最討厭也是何君堯,「因為始終都係佢呢班人令到『送中』條例可以喺立法會入面通過」。他也指十分討厭經民聯張華峰,「佢啱啱喺立法會大會提出休會辯論,令中環海濱自動『送中』」。

19歲的中五李同學則最討厭民建聯蔣麗芸,「因為林鄭都講緊要暫緩呢個『送中』條例時,佢仍然喺立法會講話不如恢復二讀」,批評蔣逆民意而行。任職銷售員的石小姐最希望下屆立法會選舉選民能踢走保險界功能組別議員陳健波,「因為佢(陳)好多嘢好似好make sense、好為你好,但成件事佢係本末倒置,特別佢係零票當選嘅,我覺得呢個人真係好不知所謂」。
■記者林俊謙

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載