› 選擇地區
三藩市
紐約
洛杉磯
其他美國地區
香港 台灣 北美
 
2019年06月27日

澳門記者遭警追擊噴椒

【本報訊】這陣子,前線記者採訪如置身戰地,隨時中椒中槍。警方6.12鎮壓反送中示威者當日,澳門記者首嘗中椒之痛,卸下裝備洗面期間再被警方瞄準雙眼狂噴,「點解咁都要再補一槍?」全身紅腫的他當日提早回澳門,落船後看到暴力鎮壓畫面,即時淚崩,「好多只係企喺度嗌口號,冇可能對佢哋開槍,睇到呢幕我真係喊……」。世上沒有無緣無故的恨,他慨嘆,澳門人大部份只從電視機看到示威場面,「喺現場就會明點解有香港人咁憎警察」。

相關新聞:便衣警扮示威者偷拍人群

回家看電視當場淚崩

在澳門大學修讀中文系、20多歲的澳門記者陳嘉俊6.12戴上頭盔、眼罩口罩,記者證掛胸前,到夏愨道與添華道交界採訪。早上約11時,警方向示威者噴胡椒噴劑,他面部先中一「椒」。待衝突平靜下來,他除下裝備用水清洗,突聽見行家大叫「快啲走!」他拿起背囊之際,大量胡椒噴劑已飛到眼前,「我急救緊,係咪要對我再射多次?」他轉身逃跑,警察繼續狂噴,令他後頸及背部大範圍受創,示威者扶他到急救站,「真係要多謝香港市民,無條件幫我清洗咗好耐,好感動,仲問我食嘢未、畀水我飲」。

阿俊當日下午乘船回澳門休息,落船後看手機得知開始武力清場,「好傷感,我一路諗,幫我急救係香港人,係嗰班示威者、義工,衝擊防線嘅人係有,但後面有好多只係企喺度、飲緊水,一齊嗌吓口號,冇可能對住佢哋開槍……我真係喊,我從來冇為啲政治、時事事件喊」。

阿俊認為,警員受過專業訓練,而示威者中很大部份人只拿着雨傘,形容如置身戰地,「但𠵱家唔係打仗」。他看到示威者倒地後仍被速龍小隊狂打,「冇可能瞓低咗,你仲打多幾下,因為你真係警察嚟,唔係黑社會,制服咗就抬走囉」。

阿俊慨嘆,「(警察)真係將個人仇恨放咗喺執法上面,香港人唔係無緣無故反警察」。他強調未來會再來港採訪示威,「下次嚟一定着長袖衫、包埋頸,因為(中椒)真係好痛」。
■記者張文傑

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載