› 選擇地區
三藩市
紐約
洛杉磯
其他美國地區
香港 台灣 北美
 
2019年06月24日

李柱銘:北京開綠燈乜都得

李柱銘認為要解決送中造成的社會爭議,「普選可能係出路」。

【本報訊】根據《基本法》及2004年人大釋法,推動政改須經五部曲,雖然林鄭月娥競選特首時曾明言任內不會重啟政改,但現時香港經過反送中一役後民情大變,如果林鄭改變主意,是否仍有足夠時間推動政改?民主黨創黨主席李柱銘直言,只要北京開綠燈就「乜都得」,時間上足夠令港人可以2022年普選特首,然後在2024年普選立法會。

相關新聞:醫管局未處分篤灰護士 網民促今交代

指人大可廢除8.31框架

根據政改五部曲,第一部是由特首向人大常委會提交報告,提出要修改特首及立法會的選舉辦法,李柱銘表示,「主導權喺林鄭手上,雖然佢上年先話重啟政改係撼頭埋牆,但家陣成個形勢轉晒啦,要解決今次送中,普選可能係出路」。

李柱銘解釋,跟2003年50萬人上街後撤換董建華可平息民怒不同,當年大家仍期望在2007、2008年有雙普選可當家作主,但現時就知換人上場只是換湯不換藥,「連ABC(Anyone But CY)個C都變埋Carrie(林鄭),再換另一個上去都冇意思,香港人等普選等咗咁耐,一國兩制兩大先決條件,就係有普選同唔干預香港事務,但完全冇落實到,香港人冇民主,又乜都中央話晒事,所以唔做政制改革,睇唔到點樣可以走出呢個困局」。

問題是上次政改人大落閘作出8.31決定,雖然政改方案被立法會大比數否決,但8.31框架一直被指對未來政改方案繼續有效,如果仍然存在,真普選便會被排除在外,亦肯定不符《香港人權與民主法案》的要求,李柱銘直指人大可以把8.31框架廢除,「憲法上人大可以更正人大常委嘅決定,咁8.31決定本身就係錯誤,總之如果北京肯就乜都得,中央想做乜都會做到,一地兩檢都可以一個人大決定就做到!」
■記者陳珏明

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載