› 選擇地區
三藩市
紐約
洛杉磯
其他美國地區
香港 台灣 北美
 
2019年06月19日

隔牆有耳:政界燈神劉兆佳:娥特做到任滿 - 李八方

如果話政壇明燈,好多人會諗起「燒山」蕭若元,但其實除咗燒山之外,政界仲有一個高人,不過佢就只「燈」北京同建制派,仲搞到信佢嘅人雞毛鴨血,呢個就係全國港澳研究會副會長劉兆佳,佢次次話政府冇事、民主派抗爭冇用,但最後變成大大件事。

被建制派當正權威消息人士

有民主派中人同八方講,佳叔係燈完全有迹可尋。2003年仲係中央政策組首席顧問嘅劉兆佳,當時俾人問7.1有幾多人會上街,佢話最多五萬人,呢位民主派人士亦聽聞佢同北京亦係咁講,令北京放心,結果嗰年7.1出咗50萬人上街,殺北京措手不及,亦燈到佢老闆董建華年多後腳痛下台。

不過劉兆佳嘅燈力冇影響佢仕途,到煲呔上場佢繼續做中央政策組首席顧問,退任後又撈到個全國港澳研究會副會長做,而且仲俾包括建制派在內好多人,當正係權威消息人士,不過佢講送中惡法又再顯示燈力,之前103萬人上街後,話單嘢涉及外國勢力介入,擱置有關修訂機會係微乎其微,送中惡法一定會通過,結果未到200萬市民上街,林鄭已話唔將惡法交到立法會!最近佢又話中央一定支持娥特做到任滿,究竟會唔會燈死娥特?呢個要拭目以待。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載