› 選擇地區
三藩市
紐約
洛杉磯
其他美國地區
香港 台灣 北美
 
2019年06月13日

考完試趕到 00後:唔係淨識玩抖音

三名中四女生昨考試後,隨即換上黑衣黑褲到金鐘支援。

6月初是中學考試季節,三名15歲的中四女學生卻決定放下書本,才在學校考完試,就換上黑衣黑褲,趕來與大人們一同佔領金鐘。對於記者前來提問,年輕的她們都略帶膽怯,猶豫半晌後拉起口罩,向記者說:「唔係所有00後都只係識玩抖音,其實好多人都有留意時事,喺必要時我哋都會出嚟。」

李同學是三人之中,曾親身參與雨傘運動的唯一一人。當時,12歲的她跟着父親來到金鐘睡了一個晚上,這是她第一次參與社會運動。年輕的她其實亦不太清楚大人們為何要睡在街頭,只知道大家爭取的是真普選,她也被現場的團結氣氛所打動,關心社會的種子自始悄悄萌芽。但對於大部份00後,6月9日反送中遊行是他們的政治啟蒙。幾日前才首次上街的何同學說:「因為呢件事真係好嚴重,太誇張。當所有人都反對時,律師公會都出嚟畀建議書,但政府都當聽唔到。話50年不變,但𠵱家30年都未到,逃犯條例一出嚟,就所有嘢都會破壞晒。」

相關新聞:示威者血與汗拉倒首日審議

「香港同大陸最大分別係司法制度,一過咗就唔係一國兩制。」

同樣是「社運初哥」的陳同學說:「香港同大陸最大分別係司法制度,一過咗就唔係一國兩制。𠵱家香港仲畀你上街示威,可以上網喺論壇講嘢,都係因為香港嘅政治同法治同大陸唔一樣,先有機會講嘢。如果條例過咗,中國就會係最終把關者。」訪問時值正午,一直舉着雨傘靠在夏慤道某石墩處的三人,已逗留了近三小時。何同學無奈說:「暫時只係覺得落雨好煩。」陳同學則嘆了一口氣,「依然無助,叫咗咁多次,但都冇人肯聽你講嘢,覺得無力」。

對於之後有何行動,她們三人亦毫無頭緒,只說答應了老師和父母不會做前線向前衝。但三人依然繼續留守金鐘,「起碼出嚟支持吓大家先」。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載