› 選擇地區
三藩市
紐約
洛杉磯
其他美國地區
香港 台灣 北美
 
2019年06月12日

隔牆有耳:傳CCTVB落柯打
破壞警形象片段全剪 - 李八方

6.9晚金鐘立法會外爆發流血衝突,警員持槍清場,多名示威者被捕。有指在當晚發生衝擊後,無綫新聞部有員工收到指示,話上司講明所有破壞警方形象嘅片段都要剪走喎!

八方翻查6月10日無綫新聞六點半新聞同埋晚間新聞片段,六點半新聞嘅衝突片段長4分38秒,以「示威者午夜衝擊立會 警方花近五小時完成驅散行動」,當中播出示威者推進、警察跌倒、警察協助不適示威者,仲有警察高呼「一步都唔會退縮!Yes Sir!」片段。至於警方揮棍驅散示威者、噴曬胡椒噴霧、拘捕示威者等片段,只有約20秒。

花哥:直情冇聽過

至於無綫新聞係6月10日晚上11時上載嘅晚間新聞片段,全長2分30秒,題為「立會午夜起衝突19人被捕 盧偉聰稱對暴力行為追究到底」。當中有約40秒為描述有警員受傷及警務處處長盧偉聰回應事件;另有約40秒為引述警方稱「示威者有組織、有預謀」,並播出警方代表指在現在搜獲攻擊性武器。至於片段最後20秒,則為引述警察評議會職方協會「譴責暴徒」。

《蘋果》打畀無綫電視助理總經理(新聞及資訊)花哥袁志偉,問佢「係咪從來冇剪過(片段)?」時,袁話:「唔係,係冇聽過呀直情」,並指未來亦冇意重剪片段。至於有關傳言是否有抹黑成份,袁話佢唔理啦,總之佢就冇聽過、聽都冇聽過呀,唔好話講喎!

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載