› 選擇地區
三藩市
紐約
洛杉磯
其他美國地區
香港 台灣 北美
 
2019年06月11日

小學家長自發罷課反送中

吳太斥特首無視港人訴求,遂去信學校表達子女罷課決定。

【本報訊】面對漠視民意的政權,除了罷工、罷市,有小學生家長更自發罷課,以行動表達訴求。吳太一對子女分別就讀三及六年級,已去信學校不考TSA(今、明兩天連續開考),當她見到政府就《逃犯條例》修訂的強硬態度,昨去信通知校方罷課決定:「係好無奈,因為政府完全漠視我哋回應,我仲可以為小朋友,為香港做乜嘢?」

從事幼兒教育十多年,現為全職媽媽的吳太與一對子女商量後,決定明日罷課,「佢哋已經識得上facebook,睇新聞知道發生乜嘢事,問我咁多人行出嚟(遊行),政府唔理睬我哋嘅時候,仲可以做乜嘢。身為家長要教小朋友點樣維護自己權益,用合法途徑爭取」。她覺得教育工作者應該要明白,甚至支持家長決定,「要知道乜嘢事,令我哋咁樣做!罷課唔係反抗學校,更希望學校明白,每一個人都係香港市民,包括小朋友都可以為呢件事(反送中)發聲」。

相關新聞:逾20社福團體表明支持

「會帶小朋友去立會」

兒子初小時因為學校過度操練TSA,多番表達減輕壓力不果,吳太遂為兒子轉校,「有其他家長鬧我,話罷考TSA即係搞事;唔參加學校補課,即係唔合作,點解我要搞學校?學校有乜對我唔住,唔同學校合作……又問我個仔點解唔補課,咁樣好蝕底」。吳太補充,每下一個決定也跟兒子商量了解其意願,畢竟小朋友亦需要面對來自學校及同學的目光。不從屬任何組織自行罷課,吳太不覺力量單薄,「只要喺能力範圍去做該做嘅事就得……做家長有責任保護子女安全,喺安全條件下,(罷課)我會帶小朋友親身去立法會睇發生乜事」。
■記者羅惠儀

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載