› 選擇地區
三藩市
紐約
洛杉磯
其他美國地區
香港 台灣 北美
 
2019年06月10日

隔牆有耳:
明報A1被買起撐惡法 - 李八方

民意唔夠,惟有出動銀彈。噚日香港除咗兩份主要左派報章《文匯報》同《大公報》,就連《星島日報》甚至《明報》都喺頭版支持送中條例(圖)。

吓,乜《明報》都同左報一樣立場咩?睇真啲,原來係由唔少人大、政協聯同商界代表成立嘅「保公義撐修例大聯盟」揀正喺民陣大遊行正日,喺呢四份報章買下頭版全版廣告,以「支持修例 不做逃犯天堂」為主題,話要理性討論、彰顯公義同釐清真相,廣告下方仲附帶二維碼(QR Code),呼籲市民進入大聯盟官方網站聯署,支持修例。不過《蘋果》早前測試過,只要輸入正確驗證碼,其他資料亂填都可以成功聯署,有灌水之嫌。

八方同事噚日觀察維港兩岸,見到至少三座大廈嘅電子屏幕亦有咗撐修例廣告。錢雖然買好多嘢,但至少買唔到民心,睇吓噚日維園至立法會路上有幾多足印就知啦!

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載