› 選擇地區
三藩市
紐約
洛杉磯
其他美國地區
香港 台灣 北美
 
2019年05月31日

邱達昌:建制表面撐修例 暗與政府拗撬

有線寬頻主席邱達昌無正面回應如何保障前線記者人身安全。
譚德潤攝

【本報訊】有線寬頻主席邱達昌昨日大爆《逃犯條例》爭議的內幕,他透露有建制派立法會議員表面上支持政府修例,但背後「同政府有最大拗撬」,不斷向政府反映意見。他個人則支持修例,指不能將香港變成逃犯中心。

有線寬頻昨日舉行股東會,會上有小股東提到近月電視台積極在大灣區發展,會否擔心萬一《逃犯條例》修訂後影響前線記者安全。有線主席邱達昌表示,「我個人睇,呢幾日嘅訊息好正面,香港政府有好多樣嘢改進緊《逃犯條例》,其實香港有好多好嘅議員,我唔方便講邊個,表面好支持政府,亦都真心支持政府,後面反而呢啲表面支持政府嘅人,係同政府有最大拗撬,佢哋喺內部好大力、畀啲好好、好有建設性嘅意見。」他續指,「香港變咗做逃犯中心係唔啱……我好中肯」。

相關新聞:李家超答不出台灣「中央機構」

指美「鴉片戰爭咁蝦我哋」

他坦言「自己做生意,當然支持政府」,表示「前幾日立法會好似台灣咁,我覺得幾可悲」,指自己是中立派,不能將香港變成逃犯中心方向正確,「我喺香港大,梗係想香港好」。

邱達昌更表示:「英國、美國都有類似嘅(條例),有乜理由你打我就得,我打你就唔得。」更表示曾與美國總統特朗普做生意:「呢條友真係打橫行,中國唔可以好似鴉片戰爭咁(俾人)蝦我哋。」會後邱達昌會見傳媒,有記者問及類似問題,邱達昌都沒有正面回答如何保障前線記者的人身安全。

■記者梁延宇

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載