› 選擇地區
三藩市
紐約
洛杉磯
其他美國地區
香港 台灣 北美
 
2019年05月22日

隔牆有耳:勇武美少女躋身眾志常委 - 李八方

何嘉柔早前喺政總示威反惡法,一度與保安發生推撞,更遭保安騎喺身上。

近年都同港人站在抗爭最前線嘅香港眾志,最近選出新一屆常委,當中有耀目新星登場,好似早排因為抗議送中惡法而衝入政府總部,強調要「讓反對聲音被看見」嘅21歲美少女何嘉柔,成為眾志嘅新領導層。當日因衝擊而被拘捕嘅何嘉柔,日前返警署報到時「踢保」,拒絕保釋候查,巾幗不讓鬚眉。除咗何嘉柔,同樣因為反送中而被捕嘅20歲朱恩浩同樣擔任常委。

眾志喺新聞稿都提到,常委會加入咗一啲新面孔,包括何嘉柔同朱恩浩,而何、朱兩人會協助加強眾志同學生團體、青年世代嘅連結,亦會進一步推動眾志對社會議題嘅關注。而由常委升任為眾志副主席嘅鄭家朗,則會承擔更多喺重要政治議題上嘅角色。而喺當前呢個咁嘅政治環境,反送中抗爭如箭在弦,難怪眾志表明,首要任務就係要:推倒惡法!

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載