› 選擇地區
三藩市
紐約
洛杉磯
其他美國地區
香港 台灣 北美
 
2019年05月22日

西環集中營:京逼挺林鄭 建制口服心不服 - 季陶

林鄭月娥

繼港澳辦主任張曉明及中聯辦主任王志民後,主管港澳事務的國務院副總理韓正昨日也開腔力撐港府的《逃犯條例》修訂,在北京全力施壓下,香港建制派基本上已沒有任何空間,必定要歸隊挺送中惡法。不過有政界中人稱,北京今次以如此高壓手段逼建制挺林鄭,或可以令商界、建制派表面臣服,「但好多商界同建制中人心入面仍然唔服,更有人已講明等送中例過咗,就會部署退出政圈走人」。

相關新聞:司法、言論自由評分 跌至回歸新低

有人坦言淡出政圈離港

該政界中人說,日前他出席一個公開場合,席間碰見的商界、專業界人士,全部均抱怨北京施壓,要他們支持送中例;又不滿林鄭至今連一條給他們下台的「金樓梯」也欠奉,「即係全部建制派冇路揀、亦唔會畀路你揀,只可以支持」。那些建制的商界、專業界人士直言,在北京高壓下,他們口中一定說支持修例,「但口服心唔服,更加覺得北京霸道到一個地步,連正面建議都唔聽」;亦有人坦言經過今次後,將淡出政圈離港,「有人話會逐步唔做公職,一、兩年內結束或搬走生意,之後離開香港,反正佢哋仔仔女女喺晒外國,去到美國、澳洲仲使怕你中共」。

另一政界中人指,今次北京做法其實令不少較溫和的建制派心寒,令更多建制中人對北京失去信心,「有個建制派議員私下同我講,佢都唔信一國兩制仲可以擺到幾耐,佢諗緊下屆或者唔再選,不如淡出搵多幾年錢,喺外國買定多兩層樓好過」。

季陶
周一、三、五刊出

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載