› 選擇地區
三藩市
紐約
洛杉磯
其他美國地區
香港 台灣 北美
 
2019年05月20日

彭志銘:審查越來越猖狂

「三中商」書店的政治書題材多不涉敏感話題。

【本報訊】次文化堂社長彭志銘直言,聯合出版集團過去審查手法尚會「遮遮掩掩、尷尷尬尬」:「起碼仲會拎貨,最多放落舖幾日就收埋,然後幾個月後就話唔賣得再退書,都仲會有個假嘅藉口」,惟現時審查手段是「越來越猖狂」,「會警告埋你唔好出,咁其實唔只係干預出版自由,直情係指導出版,將來會唔會唔出讚揚習近平嘅書就冇運行呢?」

相關新聞:國安誘捕晨鐘書局老闆

小書店難承擔代價

彭又稱,出版自由背後的精神,是思想開放與讓人有獨立思考,狠批如此大模廝樣干預出版的做法,「已經唔再當係一個禁忌」;他又透露,小書店近年更面對另一壓力,就是售賣敏感書後,隨時要承擔代價,「當你賣一本敏感嘅書,雖然唔係書店出,唔關間書店事,但中資發行就隨時封殺你,唔供應其他書畀你,咁書店書種咪減少,呢啲事其實已經發生緊」。

不過,代理港台書籍為主的本地獨立出版及發行商「里人文化事業」老闆陳國華認為,政治類書籍本身非主流讀者口味,客路較窄,對比封閉市場,「香港仲算係好自由市場,根本封殺唔到」。

陳稱台灣就算出版跟台北市長柯文哲有關的政治書,香港市場亦乏人問津,受歡迎的台書都以生活類為主,但質素良莠不齊,「其實劉曉波嘅書,一樣可以大賣,暫時睇唔會封得晒,越封只會越旺」。對於台灣誠品在港開業,能否為台灣政治敏感書提供多個銷售渠道,他認為幫助不大,因為不一定「同聲同氣」,「台灣本土出版博客來(台灣網路書店)都唔入啦!」

■記者陳珏明

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載