› 選擇地區
三藩市
紐約
洛杉磯
其他美國地區
香港 台灣 北美
 
2019年05月11日

達明傘運前大陸演唱 
「差啲以為有改變」

達明一派2012年「兜兜轉轉演演唱唱會」,內容極具政治性、非常大膽。

黃耀明跟周耀輝曾經兩度同遊西湖,六四前的1985年一起旅遊,雨傘運動前的2012年一起參加音樂節,那時,吹起的是相對自己之風,不是令百姓瑟縮恐懼的紫色煙和霞,明哥說,兩次都感覺中國或可變得美好,「(1985年)感覺呢個地方好似向緊好嘅方向,因為國家畀人民咁嘅方向,先喺1989年4月、5月出去天安門廣場」。2012年,明哥首次在大陸境內的西湖音樂節唱《天問》,翌年達明一派在廣州舉辦一場極具政治性的演唱會,「差啲以為係好嘅,差啲以為有改變」,惜美好社會終究未實現。

達明一派2012年開辦「兜兜轉轉演演唱唱會」,明哥笑言那是「非常之政治性、非常之大膽嘅一個演唱會」,反國教的前學民思潮召集人黃之鋒,正是香港場個唱嘉賓。少了黃之鋒、僅作少許修改,同一個演唱會翌年成功在廣州開騷,明哥說:「嗰陣係距離傘運一年,我冇諗過呢個演唱會可以喺廣州出現,當時我諗『係咪一個轉變嘅機會?』點知一年之後,8.31落閘,就一切都落閘。」

相關新聞:Boyz' Reborn默默革命 「音樂是沒殺傷力的武器」

明哥:我頂得住,擔心新人

六四屠城對黃耀明打擊雖大,但仍然心存希望,雨傘運動卻對明哥造成真正挫傷,「因為傘運嘅緣故,我係被懲罰」。不談北上,在香港甚至華人地區,演出機會都被剝奪,明哥指自己頂得住,只憂慮後起之秀,「我係OK嘅,因為我已經有自己嘅方法,或者我已經有established咗嘅渠道,但新嚟緊嘅musician(音樂人)或者創作人,佢哋冇嘅,佢哋係冇呢啲嘅成本同渠道」。

周耀輝:點樣傳達有好多方法

千秋咒詛何時作罷?周耀輝表示,一個健康、寬容的社會,正正要容許自由聲音,慨嘆明哥遭封殺反映制度不公,但他不願意就此失望,「講真我哋何時真係經歷過美好社會?但要有想像囉,我個人要求好低,要繼續有遐想嘛」。

填詞人的想像,在歌詞中自會找到,周耀輝在《天問》外的歌詞有很多政治,例如達明一派《忘記他是她》、麥浚龍《雌雄同體》,「政治嘅理解如果狹義講政制,真係好難搞,但係假如我哋理解政治為關於權力分配,就算寫情歌,都可以寫性別嘅政治」。

他舉例指,獨立歌手Serrini、黃衍仁部份歌曲題材相對敏感,仍有機會在內地演出,「可能係用小眾嘅、另類啲嘅姿態,喺內地文化空間穿越緊,咁就用自己方法去寫,表達自己想爭取嘅嘢;支筆喺自己手上,點樣去寫、傳達,係有好多種方法」。

相關新聞:他們曾說過……

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載