› 選擇地區
三藩市
紐約
洛杉磯
其他美國地區
香港 台灣 北美
 
2019年05月11日

警冷嘲熱諷 一度拒立案調查

韓國男團BTS在港舉行演唱會,成為騙徒搵食良機。資料圖片

「咁細個追乜星吖,用咁多錢追星!」曾被警方拒立案的一眾學生事主,對警察的冷嘲熱諷記憶猶新,警員曾向學生稱涉及的金額太少、同類案件太多。所以在案發初期一度拒絕立案,直至Elsa聚集逾百人,加上找到證人才能令警方重視。立法會議員希望警方勿因金額太少等原因輕視調查,否則會助長同類罪案。

相關新聞:每周讀八本書 專攻犯罪心理

「等多啲人俾人呃先啦」

案中姓黎騙子的手法多樣,包括向學生訛稱可供借貸買票。女學生Rin憶述,去年尾黎在網上得知她現金不足,稱可借錢,但最少要借1.1萬元,「要我入2,500蚊(保證金)畀佢」。她稱與黎對質時,他囂張地說:「報警都冇用,警察唔會做嘢。」

其後她與數名事主報案,警員卻敷衍指:「吓,又係演唱會呀?」然後稱現時證據很難立案,有警員更說:「只係你覺得自己俾人呃,冇證據話佢唔會畀飛你。」Elsa在案發初期報案同樣被拒,「我一直求個警察」。但警員不耐煩指:「等多啲人俾人呃先啦,等到30萬40萬,我哋就會處理。」直至Elsa在網上找到證人再次報案,警方才立案。「以前覺得警察好厲害,但原來我接觸到嘅警察,懶懶閒同你講『幫唔到你』,真係好失望」。她指騙徒曾用中銀、支付寶和PayMe等方式收錢,若警方認真調查,要抓到他並不難。

立法會議員鄺俊宇擔心警方因網購騙案太多而輕視個案,「覺得數目細就唔主動調查,或者係立案標準太苛刻」。他認為正因個案越來越多,警方才要打擊,「冇理由有晒(騙徒)資料都hea跟」。

記者就Elsa等4宗報案向警方查詢,獲回覆指均列作以欺騙手段取得財產罪調查,暫未有人被捕。
■記者李啟發

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載