› 選擇地區
三藩市
紐約
洛杉磯
其他美國地區
香港 台灣 北美
 
2019年04月24日

隔牆有耳:賀一誠獲批辭人大選特首 - 李八方

澳門第五屆特首選舉會喺今年8月舉行,早前宣佈有意參選嘅澳門立法會主席賀一誠(圖),向全國人大常委會提出辭去全國人大一職,以符合參選資格,人大噚日下午召開全體會議,正式接納賀一誠嘅辭職請求。由於澳門全國人大代表係特首選委會嘅當然委員,根據選舉法例,選委唔可以參與特首選舉,所以賀一誠要辭任咗人大職務先能參選。

而現年61歲嘅賀一誠係澳門新一屆特首選舉中,唯一表態有意參選嘅人,佢宣佈參選後會優先解決澳門民生同推動經濟適度多元化發展,並會積極協助澳門融入粵港澳大灣區發展。賀一誠父親賀田係愛國商人、被譽為「澳門工業第一人」,而佢喺92年於浙江大學深造時,出任過多屆浙江省政協委員,而國家主席習近平時任浙江省委書記,有傳二人早有交集,跑出機會相當大。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載