蘋果日報 | APPLE DAILY
› 選擇地區
三藩市
紐約
洛杉磯
其他美國地區
2019年04月24日
馬上成為壹會員

隔牆有耳:九子陳情有聲書 為公義留聲
余若薇「聲演」鍾耀華 - 李八方

《不是九個人的審判》有聲書製作單位邀請佔中九子親自讀出庭上陳情,但九子中唯獨鍾耀華冇回覆,結果由余若薇代為聲演。設計圖片

佔中九子早前被裁定罪成後,各人喺法院發表嘅陳情,都透過文字喺網上公開,觸動咗唔少香港人。網台D100為咗「為公義留聲」,早前喺審訊結束後,即時邀請佔中九子親自讀出庭上陳情,並製成《不是九個人的審判》有聲書,想為佔中案留下更完整嘅歷史紀錄。據知最早現身D100錄音室嘅朱耀明,由於讀起《敲鐘者言》陳情時情緒波動,所以要返屋企休息先,再由囝囝幫佢喺家中完成錄音。

八方同唔少人一樣,最想聽嘅可能係鍾耀華陳情--「我沒有甚麼需要陳情。我們,包括在座的各位,是有責任走出法庭/議事庭/媒體/一切中介去親自理解世界,體悟世情。這全都不是這個法庭可以告知」。如果有得聽佢親口讀出,相信好有感染力,之但係九子中唯獨佢冇回覆,結果由公民黨創黨黨魁余若薇代為聲演。

免費收聽下載

八方問過D100主持人李慧玲,佢話有聲書嘅靈感嚟自「佔中九子」之一、鍾耀華喺庭上表示「今次唔係一個人的審訊」發言,希望藉今次行動,令港人知道今次不單係對佔中九子嘅審訊,而係每個香港人都關事,指九子嘅陳情令好多港人諗返當年好多傘運嘅情景同反思,由於現時巿面上只有文字版本,感覺相對冷冰冰,所以希望透過佔中九子親自聲演,令去唔到法庭聽審嘅香港人都可以明白九子嘅心路歷程。只要大家去到D100網站,就可免費收聽同下載。

李八方

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載