› 選擇地區
三藩市
紐約
洛杉磯
其他美國地區
香港 台灣 北美
 
2019年04月24日

拒認民主英雄 張秀賢:係為自己負責

【本報訊】被裁定煽惑他人作出公眾妨擾、煽惑他人煽惑公眾妨擾兩罪罪成後,在獲准保釋等待判刑期間,張秀賢度過了25歲生日。這段時間張秀賢仍是如常地過活,見了感化官,匆匆到過台灣處理工作事宜,對於將臨的判刑,張認為或有較大變數,「但唔會抱存僥倖嘅心態」。

原以為25歲生日要在荔枝角收押所度過,因獲准保釋,張能在外頭平靜地度過,生日那天他寫下感言︰「咁就25,75歲命就過左三分一,如果100歲命都四分一,過得平淡安樂就夠。反正,出來過而唔係喺荔枝角過已經算係咁。」

佔中九子均被裁定罪成,張秀賢是唯一獲法庭批准索取社會服務令及感化令報告,「4月9號之前以為一定坐梗,不過𠵱家好似又會有較大變數,都唔知到時會係咩情況」。

相關新聞:陳淑莊提早慶祝母親節

「呢幾年大家無力感都好重,出路好似越嚟越窄,但我諗係可以由個人出發,睇吓可以帶嚟咩改變。」

他坦言心情不免掙扎,「其實冇人真係博坐監,但唔坐又好似冇乜點負責任,都係要負責任,喺呢啲位度掙扎緊」。他對外界形容佔中九子是民主英雄不以為然,「其實我都係參與者,只係咁啱俾人告,法庭劃分咗我哋九個人出嚟,我好懷疑話九個人代運動去坐監呢個講法,到最後都係為自己負責多,我哋都只係一個人,唔需要成set光環放落去,外界太大嘅期望反而會令我有啲吃不消」。

雖然掙扎,張說不想過於聚焦結果,「反而係要focus以後可以做啲咩……呢幾年大家無力感都好重,出路好似越嚟越窄,但我諗係可以由個人出發,睇吓可以帶嚟咩改變,而呢種應該係超越政治制度本身」。《蘋果》曾邀約另一名被告鍾耀華受訪,鍾婉拒。

張、鍾均曾為中大政治與行政學系學生,中大政政系師生及校友早前發起聯署聲援,至今約370人簽署,發起者之一的楊政賢指判刑前會將聯署人的鼓勵製成心意卡轉交兩人;有份聯署的中大政政系高級講師蔡子強對兩人面對判刑感到沉重,指兩人都是剛畢業的年輕人,原有遠大前路,惟稍後或有一段時間未能實踐理想、甚至要與屋企人相隔,「如果話佔領運動咁多人參與,但好似所有代價都由佢哋九個人承擔咗,尤其當中有兩個年輕人,我覺得都係相當之感傷」。

而張秀賢判刑前夕在社交平台發文,徵求佔中參加者為他撰寫「品格證明」,但強調不是求情信,「請不要為我求情、請求法官從輕發落」,強調感化官希望自己的友人能以品格證明協助撰寫報告,他盼寫信者能談佔中因由。

■記者李雨夢

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載