› 選擇地區
三藩市
紐約
洛杉磯
其他美國地區
香港 台灣 北美
 
2019年04月24日

六四30年:平反路遙不氣餒
李柱銘:中國點可以冇民主

1989年,當年仍是北京眼中治港精英的李柱銘不惜與中共決裂,帶領逾百萬港人聲討中共屠城,堅信民主必定會戰勝歸來。隨着六四事件10周年、20周年過去,六四事件即將來到30周年,中國民主不但未見曙光,習帝登基更來個民主大倒退,今天已是80歲的李柱銘,不諱言有生之年未必看到民主來到中國,但不能因此「唔搏命做落去」,「我睇唔到唔緊要,個仔睇到,個仔睇唔到,就個孫睇到」,他堅信中國走向民主一定會發生,「呢個係(世界)潮流嚟,(中國)點可以冇民主?」
記者:林俊謙 莫劍弦

作為支聯會創會副主席,李柱銘接受有關六四事件訪問,沒有一千也有八百,但在每個訪問中,李柱銘仍然對中國、香港民主的追求存在信心,即使今天中國已大國崛起,習近平只談其強國夢而禁講民主夢,李柱銘平反六四信念,經過近30年的落空,仍沒有絲毫動搖。李柱銘在其大律師事務所接受《蘋果》專訪,房中擺着一幅由《壹週刊》所攝、寫着「毋忘六四 九零維園燭光集會」的發黃舊照片,那是香港首次舉行維園燭光集會,那年他以支聯會副主席身份上台發言,這幅相由1990年開始放在他的辦公室,一放就是29個年頭,而這幅相也令他覺得最能代表港人對平反六四的堅持:「北京大屠殺天安門嗰度,最震撼係一個中國人企喺坦克車面前;喺香港嚟講,我認為呢幅就最有代表性」。

相關新聞:「當年只能信聯合聲明」

有人話六四係包袱,係邊個嘅包袱啊?係佢哋(中共)嘅包袱,唔係我哋嘅包袱,佢哋要放低呢個包袱,咪平反六四囉!

李柱銘由1990年開始,見證每年以萬計市民自發到維園點起燭光,悼念六四死難者,也看着六四燭光集會如何走過香港回歸、如何經歷運動高潮與低谷,但每年維園的六四燭光,總能令他對香港人支持平反六四有信心,「乜係啱、乜係錯,香港人睇得好清楚,歷史係唔可以塗改的,因為已經喺巿民個心裏面」,所以六四事件雖然至今未平反,但李柱銘仍堅信,只要港人堅持下去,香港和中國終會有民主的一天,六四最終亦會平反,「我哋冇理由唔撐落去,香港係全世界紀念六四最勁嘅地方,毫無疑問,如果我哋都唔搞,邊個搞?同埋點解要放棄?有人話六四係包袱,係邊個嘅包袱啊?係佢哋(中共)嘅包袱,唔係我哋嘅包袱,佢哋要放低呢個包袱,咪平反六四囉!」
李柱銘在華叔因病離世時說過,對華叔未能看到中國平反六四感到可惜,今天他亦覺得平反六四、建設民主中國「我自己都未必睇到」,不過李柱銘卻從未因自己未必能見證中國民主而氣餒,因為中國、香港有民主,並不是為了他自己個人榮辱,而是為了下一代,「民主我分分鐘都睇唔到,但唔緊要,我哋睇唔睇到,唔係我哋決定,死咗咪睇唔到囉,但唔能夠因為咁,就唔搏命做落去,我睇唔到唔緊要,個仔睇到,個仔睇唔到,就個孫睇到,我哋都要爭取」。

呢啲嘢(平反六四)係唔輸得嘅,平反六四一定會發生,中國行民主路亦唔能夠唔發生。

所以,即使六四踏入30年,民主路、平反路未見終點,已80歲的李柱銘,會繼續做一名民主老兵,有生之年為平反六四、爭取民主走上前線,絕不言棄,因為他相信,即使是歷史上最獨裁的政權,也不能阻擋民主潮流前進,「呢啲嘢(平反六四)係唔輸得嘅,平反六四一定會發生,中國行民主路亦唔能夠唔發生,就算全世界咁多個國家中,(中國)第尾先有民主,中國都會有民主,呢個係(世界)潮流嚟,點可以冇民主?」

對於今年六四事件30周年燭光集會,李柱銘不擔心參加人數,因為他相信香港人,每逢港人真心認為重要事件要表態,面對大是大非放在眼前,即使沒有民主派動員,巿民亦會自發走上街頭,故深信今年六四30周年悼念,很多港人都會與他一樣,再次在6月4日當晚走到維園足球場,各自舉起六四燭光悼念英靈,為平反六四、爭取民主盡一自己之力。

相關新聞:無悔退出《基本法》草委

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載