› 選擇地區
三藩市
紐約
洛杉磯
其他美國地區
香港 台灣 北美
 
2019年04月21日

義工:煽惑根源係梁振英、人大、催淚彈

佔中九子罪成後,43歲的曾醒祥頓時淚如泉湧,痛心九子要為曾經參與傘運的港人承擔「罪責」,更不忿法官指港人參與傘運是受九子所煽惑 :「如果真係有煽惑,煽惑我嘅一定係梁振英、(人大)8.31決定同(警方)催淚彈,點會講到完全因為佢哋(九子)先走出嚟?所以呢個係好委屈」。雖然暫時未見民主普選前路,但他冀望曾經參與傘運追求理想的人別失望:「雖然我哋暫時睇唔到出路,但至少自己唔好投降,仲未輸得晒、仲有希望,要做得幾多得幾多。」

相關新聞:糖尿病上眼 邵家臻慶幸可保釋打針

「(佔中運動)似乎完全撼動唔到(政府),呢個係最失望嘅地方。」

為實踐推動社會改革的社工使命,曾醒祥於2014年辭任任職九年的社工職位,撇除了社福機構規條所限,以自由身投身傘運成為義工,一直留守直至遭警方拘捕帶走,曾醒祥其後擔任九子之一的社福界議員邵家臻的助理。佔中案聆訊其間一直有到庭旁聽,他坦言雖然已有心理準備九子被定罪,「但真係聽到(裁決)時,係好激動,真係有眼淚流出嚟」,「有成幾十萬人參與佔領運動,點解係呢九個人幫我哋孭晒全部罪名?」曾醒祥強調每個參與傘運的人都有獨立意志,全屬個人選擇,形容時任特首梁振英、人大8.31決定及87枚催淚彈,才是「煽惑」的根源。

毋忘初衷,曾醒祥在金鐘添馬公園接受《蘋果》訪問時,以五年前的「傘運人」裝束現身:銅製的黃絲帶吊嘴頸鏈、記錄警方曾向港人發射87枚催淚彈的T恤,以及傘運時曾被警方盾牌弄至腳部流血而購買的鋼頭鞋,反映他對傘運依然念念不忘,他坦言當年從來沒有想過特區政府會越變越差,對港人真普選的訴求無動於衷,「似乎完全撼動唔到(政府),呢個係最失望嘅地方」。

曾醒祥直言對傘運後不少港人因此而灰心失望,自此不再參與爭取普選,甚至嘲笑奚落感到痛心,但強調就算香港普選與個人工作前景未明,自己從來未後悔投身傘運;即使邵家臻最終要入獄並有被DQ風險,他已決定在邵喪失議席前不考慮尋找新工作,「因為我係好想同邵家臻一齊行呢條路行到最尾」,並透露會繼續協助邵家臻在立法會提出書面質詢,並統籌邵獄中所需的物資和探監安排,形容與邵由傘運、參選到當選後一直合作無間,「係真真實實嘅戰友」。
■記者林俊謙

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載