› 選擇地區
三藩市
紐約
洛杉磯
其他美國地區
香港 台灣 北美
 
2019年04月17日

馬國明母:阿仔叫唔好答咁多

【本報訊】許志安與黃心穎各自背住另一半在車廂偷情,記者昨走訪馬國明居住的太古城時遇到其母親,當馬媽媽被問到黃心穎背住馬國明偷食時,她說:「我唔知喎,乜嘢新聞呀?」談到馬及黃的感情關係,以及最近一次幾時見面,馬媽媽說:「好耐喇,係喺過年嗰段時間,之後冇再見佢(黃心穎)。」

相關新聞:私隱署:的士司機公開片段或違例

對黃心穎印象普通

問到馬國明是否在家中?馬媽媽說:「係呀,佢冇嘢喎,仲喺度睇緊波,晏啲仲話要開工。」會否擔心兒子?她說:「唔知喎,我又未證實到。」當記者指報道已出街,馬媽媽說:「許志安?即係Sammi個老公?我未睇喎,唔知真定假。」

問到兒子是否十分投入感情,馬媽媽說:「我真係唔係好理呢啲嘢,我見佢三、四次,都係話唔使開工,咪帶返嚟屋企食飯。」問到對心穎的印象?她說:「吓,好普通啫,即係唔會話鍾意佢,又或者好唔鍾意佢,個人都冇乜嘢。」其後記者將短片給馬媽媽看,看完後她說:「係咪拍戲嚟㗎?」其間馬國明曾致電媽咪,隱約聽到馬媽媽表示樓下有很多記者等他,收線後馬媽媽說:「阿仔話叫我唔好答你哋咁多嘢喎!」
■娛樂組記者

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載