› 選擇地區
三藩市
紐約
洛杉磯
其他美國地區
香港 台灣 北美
 
2019年04月03日

婆婆哭訴難求職
羅致光:可以搵勞工處

黃婆婆昨在立會哭訴搵工困難,卻遭到勞福局長羅致光無情回應。

【本報訊】以執紙皮為生的67歲黃婆婆,昨在立法會福利事務委員會公聽會上哭訴,「搵咗十份工,但無一份有人請」,到快餐店求職連申請表格也沒有,經理報以「笑吓」回應。勞工及福利局局長羅致光回應:「可以搵勞工處協助就業。」婆婆聞言哭得更厲害。

立法會福利事務委員會昨日召開公聽會,檢視本港貧窮情況及訂立滅貧目標,有逾100人出席。曾任低層公務員、67歲的黃月嫻表示,現時僅靠每月3,000多元的退休金度日,過去兩年「搵咗十份工,但無一份有人請」,惟有靠執紙皮幫補生計。

張超雄斥冷酷無情

黃婆婆邊哭邊說,曾向一家連鎖快餐店求職,卻不獲派發求職表格,經理笑了一笑便轉身而去,「我再問佢,『經理,你係咪入去攞份表畀我啊?』,佢就望吓我,笑多吓,行咗入去,就冇再出嚟」。她亦曾應徵鐘點工人,「要接送小朋友返學,要煮飯,要熨衫,但人工低得到好緊要,佢之後叫我等電話,亦冇畀電話我」;又應徵過診所兼職清潔工,「問咗我幾多歲後,就冇咗下文」。她要求政府完善長者就業政策。

勞工及福利局局長羅致光僅以「可以搵勞工處協助就業」回應,黃婆婆聞言痛得更厲害。工黨張超雄批評羅致光「冷酷無情」,質疑長者到勞工處亦不可解決長者貧窮問題,「有幾多老人家好享受執紙皮?」羅致光再回應時指「希望勞工處幫到搵工有困難嘅朋友」。

73歲、曾露宿的張木根表示,去年居住的塘尾道橋底木屋被政府勒令三日後搬走,「得三日時間,我搬去邊呢?政府當我哋露宿者係咩呢?當我哋垃圾啊?掃走就算啊?」輕度智障權益關注組主席譚偉業則關注,智障人士出路缺乏選擇,「申報咗殘疾人士身份,見工機會亦唔會有,即使見工,亦要隱藏身份,身份被發現後,亦會被為難,令到佢辭職」,要求政府在大專院校開辦符合智障人士能力的具資歷架構課程。
■記者曾偉龍

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載