› 選擇地區
三藩市
紐約
洛杉磯
其他美國地區
香港 台灣 北美
 
2019年03月26日

隔牆有耳:唐偉康去藍屋 織織復織織 - 李八方

唐偉康喺婆婆指導下,試用藍屋一部木製人手織布機。美領館fb圖片

早排美國駐香港及澳門總領事唐偉康公開批評北京干預香港事務,危及香港營商環境,結果引起成班極左派反擊,不過呢啲噪音對唐偉康似乎冇影響,佢就繼續四圍落區出巡視察民情,今次唐偉康就去灣仔古蹟藍屋參觀,仲即場表演佢藝術天份!

美國駐香港及澳門總領事館facebook噚日貼咗唐偉康參觀灣仔藍屋嘅相,藍屋建築群係政府活化古蹟計劃嘅項目,唐偉康係個post話多謝負責單位聖雅各福群會帶佢參觀灣仔藍屋同呢個會嘅創作坊「藝想」。唐偉康又話見到咁有歷史嘅藍屋入面公寓仲保存得好好,俾佢體會到當時住戶嘅生活狀況,而佢亦貼咗多張喺藍屋入面嘅相,似乎佢真係好like藍屋。唐偉康仲特別提醒大家,唔好錯過佢貼嘅最後一張相喎!呢張原來係佢由一名婆婆指導下,試用一部木製人手織布機,唐偉康仲認叻話其實佢都有啲藝術天份!

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載