› 選擇地區
三藩市
紐約
洛杉磯
其他美國地區
香港 台灣 北美
 
2019年03月21日

阿婆玩殘管理處經理 1日致電843次
官斥無聊 充公電話

【本報訊】老牌居屋管理處存款驟減,觸發七旬女住客與經理一場電話大戰。住黃大仙天馬苑的老婦懷疑管理處職員私生活不檢點,立心「唱到佢一毫子都唔值」,亦頻頻致電訓斥,去年發展至24小時內瘋狂致電經理辦公室843次,平均每小時最少打出35通電話。經理接聽當中549次,都只聽到女聲大叫或無意義聲響。老婦昨認一項「不斷打電話」罪,罰款1,000元,遭官責備「咁無聊㗎你?再做我一定捉你去睇吓係唔係儍!」經理昨呼冤,指管業處要應付多項維修,存款才插水,指老婦指控無中生有。
記者:羅日昇 陸羽平 伍嘉豪

女被告劉盧笑(71歲)昨於九龍城法院認罪後,遭主任裁判官吳蕙芳怒罵:「你係唔係有問題呀?精神有冇病呀?打八百幾次電話畀人?」劉聽罷突大聲稱:「可以!」吳官追問可以甚麼,劉答「唔再做啲咁cheap嘅嘢」。吳官回應「Cheap唔cheap都唔可以做啲無聊嘅嘢」,最終判罰款及充公劉家價值120元的固網電話。案情指劉去年10月30日中午至翌日中午犯案,她曾因襲擊同一屋苑的保安被定罪。

相關新聞:即買新電話「同保安傾偈」

事主稱仍日收十次來電

這段積怨源於數年前,劉昨受訪稱,在業主立案法團會議察覺賬目不清,開支大增,但對管理處高層私生活不檢點投訴無門。她在庭外稱不會再致電涉案經理:「唔會!個死仔,我開會先玩死佢。」其後劉在家中展示新買的180元家居電話,霸氣說:「我係故意玩佢㗎。你錄音吖。要玩到佢衰到貼地。」

她頗為自滿,稱不斷打電話成功阻礙經理致電鰂魚涌上司「報更」,累他損失勤工花紅。談到判決,劉指「冇乜感覺,懲罰都啱嘅,真係唔啱,做咗犯法嘢」,但認為不應沒收電話,因她與83歲丈夫相依為命,兩人育有三名子女,但始終難照顧他倆,兩老沒有手機,故電話可說是必不可缺之物。

案中事主、管理處姓陳經理(44歲)昨尷尬謂,劉現時仍每天致電最少10次,一番粗言穢語後便收線。他回應劉的指控「好多嘢係佢自己諗出嚟,冇證冇據」,並解釋屋苑近年面對很多維修工程,如翻新水喉、更換升降機、安裝節能裝置等,以致管業處存款大減。
案件編號:KCCC813/19

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載