蘋果日報 | APPLE DAILY
› 選擇地區
三藩市
紐約
洛杉磯
其他美國地區
2019年03月21日
馬上成為壹會員

孫威軍:內地點擊率好誇張

孫威軍去年轉戰騰訊動漫網站,強調發表渠道勝於一切。

孫威軍是《CO-CO!》首批本地漫畫家之一,1997年推出首個連載漫畫《封神演義》大受歡迎,甚至賣埠到台灣、泰國等地。阿孫將這中國古典小說的主角姜子牙由長鬚老人改成後生仔,又加入大量節奏明快的打鬥場面。十幾年後,他在網上與當年的小朋友讀者相遇:「個個都話,當時覺得畫面好震撼。可能喺兒童漫畫雜誌,突然間見到好多打鬥、標晒血、好瘋狂嘅畫面處理,對佢哋衝擊好大。」原著伯邑考被紂王製成肉丸逼姬昌食的故事,竟沒被刪走,不少讀者都覺不可思議。

「我有個心態係,唔鍾意畫太細路仔嘅嘢」,畫完封神,阿孫就開始轉投「少年向」的漫畫雜誌,文化傳訊的《Ex-am》、台灣東立的《新少年》等都曾連載其作品。但自從《Ex-am》2008年停刊,市場越見萎縮,這批本地少年向漫畫雜誌亦逐一結業或轉移網上。

相關新聞:力奇:守唔住轉做看更

轉戰網絡「唔留戀出書」

阿孫自去年起,在騰訊的動漫網站上連載《黑火》,主角是擁有異能的消防員阿舜,「內地嘅點擊率好誇張、好恐怖」。故事至今連載了40多回,阿孫話總點擊數已逾兩億,「有人都問我『真定假㗎條數?』我覺得係真嘅,紅嘅漫畫點擊率係幾十億」。瘋狂點擊率帶來的收入當然也不比當年差。

阿孫指畫網漫要習慣上面一套,除了政治,鬼亦是禁忌。故事由內地編劇撰寫,對白當然是簡體字,用語亦要接地氣。網漫分鏡不再是實體漫畫的一格格,轉以卷軸形式的「條漫」方便手機閱讀。「我唔係好留戀一定要出書,喺我嘅立場最緊要有發表渠道,又受歡迎,咁係最開心嘅事」,阿孫慨嘆故事性的日系港漫在港難生存:「淨係靠本土就死梗。」

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載