› 選擇地區
三藩市
紐約
洛杉磯
其他美國地區
香港 台灣 北美
 
2019年03月10日

好僱主出錢助工人姐姐抗乳癌

一位好僱主沒於外傭患癌時將其解僱,更為她安排到醫院做手術。

【本報訊】這邊廂有外傭因患癌而遭僱主即時解僱,那邊廂有僱主得知外傭患乳癌,仍出錢出力助她留港治病。僱主E(化名)家中聘有一名已在他們家工作六年的外傭,去年8月續約,未料一個月後外傭確診患有第二期乳癌,「當時佢話胸部有好大粒瘤,好似乒乓波咁大,我哋覺得唔多妥,於是就搵私家醫生檢查咗先」。

檢查完畢,診斷出為第二期乳癌,E立刻為其安排到公立醫院做切除手術,手術完成之後,又要面對一連串化療及電療。這數個月間,E的外傭都處於無法工作狀態,「我哋屋企有三個小朋友,其實都需要有人幫手,本身一直都有請開兩個工人姐姐,咁𠵱個出咗事,惟有另一個幫手」。

相關新聞:獲妹僱主收留助籌醫療費

「唔畀留港醫好似推佢去死」

由於合約上列明僱主須為外傭在受僱期間的醫療支出負責,故生病期間的醫療費用都由E一家承擔,涉及五位數以上,不過E有替外傭買醫療保險,「cover到一部份啦,唔係全部」。

外傭患病後,E尋求過不同方面意見,從勞工處到入境處,最後他們決定和外傭商量,「我哋有同佢傾,到底佢想返去醫,定留喺香港醫,咁最後佢想留喺香港醫,都會幫佢安排」。有僱主因外傭患癌而將其即時解僱,也有些僱主趁病假後以其他理由解僱外傭,「我知佢屋企有困難,咁一個人嚟到香港又有cancer都慘,如果唔畀佢留喺香港醫,好似推佢去死咁,我又做唔出」。

E預計外傭的電療將於4月完成,去留會待其身體狀況恢復後再溝通,「雖然𠵱家咁樣對我哋都係比較吃力,始終唔係乜富裕家庭,不過之後都會等佢身體情況OK,再同佢傾到底想留喺度繼續工作,定係想返去自己嘅國家,會溝通咗先」。
■記者李雨夢

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載