› 選擇地區
三藩市
紐約
洛杉磯
其他美國地區
香港 台灣 北美
 
2019年02月01日

悲涼老闆街邊賣西瓜 控訴政府冇幫我哋

油麻地果欄至今有106年歷史,特首林鄭月娥早前宣佈活化。

【本報訊】「果欄舖租幾萬蚊,我邊有能力負擔得起,惟有在街外掛幾件西瓜賣,等熟客知道我繼續經營,佢哋落單,我就推車送過去!」在果欄經營逾40年的70歲B仔,是27個災後復業無期的苦主之一。他因無資格領綜援,且年老無人聘請,惟有擺街邊做走鬼檔苦撐下去。

相關新聞:賀年熱賣 極罕澳洲車厘子日賣200盒

看更要考牌 年老難轉行

B仔現時每日凌晨兩三點,就在果欄外圍開檔做小販,但只賣西瓜,只因西瓜不用雪櫃也可擺十日八日;他只接熟客定單,月入僅6,000多元,但擺街邊困難重重,曾被警察誤以為他偷西瓜,「差啲拉我,但阿Sir知道後都同我講唔好意思,食環又叫我,西瓜唔可以阻路,否則沒收;以前有舖頭可以做生意,𠵱家乜都唔係。」他直言自己年老根本無法轉行,做看更亦要考牌:「一場大火令我乜都冇,政府冇幫我哋,由得我哋自生自滅。」

「點解一條路都唔畀我哋」

另一苦主王先生打理的龍生欄,開業40多年由父親創立,大火後,有行家同情他,騰出原本用來擺貨的120呎舖位租給他,僅酌量收3,000元月租,「以前我間舖600多呎、有兩層,而家面積細好多,所以只賣檸檬、菠蘿、番薯、火龍果,冇雪櫃放,其他賣唔到。」今年歲晚他亦只賣火龍果,日賺300元,非常唏噓,比從前最高賺5萬元相差甚遠,「現在兩餐都搵唔到,收入唔穩定。」他一家五口,包括母親、太太及兩名9歲和11歲的子女,生活捉襟見肘,太太也要外出打工幫補,「起初以為政府會重新開放被燒果欄位置,但一個月、一年過去,等到而家仍是空地,政府而家丟空塊地,寧願養老鼠都唔畀我哋用。」

他指以前果欄也曾發生火災,燒了三、四間舖,但受影響欄商跟消防處簽了協議書便可重新搭建復業,「今次冇人想到政府會沒收,很不人道,我哋做咗咁耐,點解一條路都唔畀我哋,呢個係歷史遺留落嚟嘅問題,唔係我哋嘅問題。」

一直協助果欄災民的自由黨批發及零售界議員邵家輝表示,雖然政府以霸佔官地為由,不欲重新開放災區供災民復業,但他指不少商販已經營多年,歷史悠久,希望政府騰出小量土地,供他們復業。

■記者郭美華

相關新聞:火燒27檔圍封兩年果欄中的苦難大叔

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載