› 選擇地區
三藩市
紐約
洛杉磯
其他美國地區
香港 台灣 北美
 
2019年01月11日

隔牆有耳:新民黨開新位
葉劉招攬星二代副手 - 李八方

葉劉搵嚟息影女星汪玲(小圖)嘅長子韓世灝出任新民黨副主席。

保安局前局長葉劉淑儀創立嘅新民黨近年積極擴張,而佢似乎鍾情招攬高學歷嘅猛男,就算陳岳鵬同施俊輝先後轉跑道,都無礙佢搵「仔」大計。葉劉噚日就喺fb公佈,該黨又加咗一個副主席職位,一如以往啦,小腳色葉劉點會睇得上眼?呢位新副主席大有來頭,就係息影邵氏紅星汪玲嘅長子,棄醫從商嘅高寶集團主席韓世灝。

今年48歲嘅韓世灝喺英國倫敦大學國王學院畢業,擁有劍橋大學休斯學院精神病學博士學位,仲獲得倫敦大學亞非學院碩士學位等,亦係多間中國著名大學客座教授,曾任博愛醫院總理嘅佢,今後同潘國山同容海恩並列為副主席。葉劉喺fb讚佢具備領導同商業才能,相信做咗副主席之後,可以壯大新民黨實力。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載