› 選擇地區
三藩市
紐約
洛杉磯
其他美國地區
香港 台灣 北美
 
2019年01月10日

隔牆有耳:
關鍵一席 只得一張空凳 
楊岳橋動議甩底 二鞠躬道歉 - 李八方

楊岳橋為今次甩轆向公眾鞠躬道歉。李潤芳攝

立法會原定噚日辯論由公民黨黨魁楊岳橋提出有關單程證審批權的議案,不過輪到佢提出動議嘅時候,岳少竟然唔喺會議廳入面,主席梁君彥就以佢不在席提出動議為理由,唔處理呢個動議,跟手仲宣佈埋散會。為乜岳少今次咁甩轆?原來又係因為《國歌法》!

稱掛住睇《國歌法》立法條文直播

岳少甩咗轆之後,好快就現身親自解釋。佢話原來佢喺辦公室睇緊政制及內地事務局局長聶德權開記者會,講述有關《國歌法》立法條文嘅直播,結果因為一時疏忽,冇為意到佢提出動議,結果冇趕返會議廳動議議案,最終冇得辯論個議案,佢連番強調今次疏忽、大意嘅責任全在佢一個人身上,要向期望有辯論嘅市民、同埋一早就準備好就議案發言嘅議員致歉,講到呢度佢就即時後退一步、即時喺記者面前兩度鞠躬致歉。

雖然今次甩咗轆,但岳少講明佢自己唔會停止關注單程證問題,亦會爭取再喺立法會討論,包括今年內就改革審批單程證制度提出私人草案,噚日仲將原本會喺辯論講嘅發言稿上載到網上,八方問佢有冇檢討今次甩轆原因,吸取咗乜嘢教訓?佢好認真話一心不能二用係今次事件畀佢最大嘅教訓,又再重申今次事件係自己疏忽造成,令到不能動議單程證審批權議案唯一嘅責任喺佢楊岳橋身上,不過佢未同民主派討論能否由其他議員代佢重提議案,但會先同公民黨黨友商討先。

李八方

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載