› 選擇地區
三藩市
紐約
洛杉磯
其他美國地區
香港 台灣 北美
 
2019年01月10日

創作人轟政權作賊心虛

【本報訊】政府建議將違反《國歌條例》的檢控時限延長至兩年,鍵盤戰線成員「滑鼠娘娘」鄺頌晴表示,此舉是針對進行二次創作的網民,「當然亦都唔止網民,喺公開場合例如球場嘅球迷都係被針對對象,呢個法例整體嚟講係侵犯個人自由」。她指,檢控時限延長會導致人心惶惶,「因為呢兩年內都仲有可能俾人翻舊賬,呢個係好大嘅心理壓力」。

以改編歌詞活躍於網絡的高登音樂台創作人Qbear2nd認為,國歌條例設立兩年追究期已打破國際慣例,「擺明就係睇噓國歌、玩國歌班人唔順眼」。他直指新法例絕對會帶來無形恐懼,威脅網絡上的二次創作文化:「正常情況下都唔會玩國歌,因為都幾難聽。但創作自由就係想玩乜歌、想試乜歌都可以,除非版權人反對。但其實《義勇軍進行曲》作詞人田漢係1968年係文革俾人批死咗,已經過咗50年,即係全世界𠵱家其實係可以任玩國歌。」Qbear2nd狠批政府訂立國歌法是作賊心虛:「覺得人哋玩你首歌,就係諷刺你嘅政權。」

相關新聞:球迷:立法只會官逼民反

「政府目的就係想你收聲」

二次創作權關注組幹事阿靈表示,無論政府的檢控時限有多長,其中一個目的仍然是針對進行二次創作的網民,「𠵱家寫到條例咁鬆,根本就係特登去罰某啲人先咁樣寫」。

對於聶德權曾聲稱訂立國歌法並非想打壓民間聲音及創意,阿靈批評「呢個法例本身就係對於言論自由嘅禁制,第二時立咗法,就好似有把刀隨時會跌落嚟咁,通常一般人都會縮,政府嘅目的就係想你收聲,呢個咪就係所謂嘅白色恐怖同埋打壓言論自由」。

至於二次創作是否牴觸法例,政制及內地事務局局長聶德權指,要看整首創作是否達致侮辱國歌,而《球迷奇遇記》就看不到違法的情況。但他呼籲,國歌作為國家的象徵和標籤,切勿隨意以歌詞和曲譜進行創作。
■記者李雨夢

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載