蘋果日報 | APPLE DAILY
› 選擇地區
三藩市
紐約
洛杉磯
其他美國地區
2019年01月07日
馬上成為壹會員

隔牆有耳:
娥特:做特首真係好辛苦 - 李八方

娥特話房屋問題依然係佢任內最大挑戰,話出售資助房屋定價需要同市價脫。

娥特嘅口頭禪係乜?可能大家都未必知,但「辛苦」呢兩個字就成日掛喺佢嘴邊。娥特最新「辛苦」言論,就係佢接受今晚8點半喺香港開電視首播的電視節目《開嚟見我》訪問時,笑言:「做香港特首真係好辛苦!」話作為特首,每日由朝到晚要面對好多唔同嘅事,當中有啲可預見,有啲則不能預見。

勸家長畀小朋友發白日夢

對於過去一年半嘅特首工作,娥特覺得「做得幾輕鬆、幾稱心滿意」,話2018年係「非常充實」一年。至於唔少香港人鬧爆嘅「明日大嶼」,娥特就話房屋問題依然係佢任內最大挑戰,話自己好願意加大公營房屋同私樓嘅比例,而出售資助房屋嘅定價需要同市價脫鈎。

問到面對香港未來發展,家長同子女應如何迎接「明日香港」?娥特就以自己作為媽媽為例,首次分享教育兩個囝囝嘅方法,呼籲家長唔好畀子女太大壓力,要畀小朋友「發白日夢」,勸勉家長應以子女活得比自己更開心為目標。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載