› 選擇地區
三藩市
紐約
洛杉磯
其他美國地區
香港 台灣 北美
 
2019年01月07日

隔牆有耳:
娶得海關老婆 
入境處長浪漫史爆羅生門 - 李八方

特首辦主任陳國基之前係做入境事務處處長就好多人都知,但佢嘅接任人曾國衞,怕且就唔係咁多市民認識,佢噚日去港台節目《舊日的足跡》,就爆自己讀書時試過「滿江紅」,又講同佢太太、現職海關助理關長(情報及調查)何珮珊嘅浪漫史,但講到究竟邊個主動追對方先?曾國衞竟然話係「羅生門」!

自稱中學時曾無心向學

曾國衞喺節目入面話,佢中學時期都試過無心向學,更試過好多科「肥佬」,直到預科因為一位經濟老師引起佢學習興趣,終於令佢發力讀書,終於喺第二次考A-Level(高級程度會考)時拎到2A3B成績,入讀中大新聞系,更加幫佢一畢業就考到入境處,造就佢今時今日可以做得成入境處處長。

發奮讀書除咗幫佢搵到份好工,仲令佢搵到老婆,曾國衞話佢同太太何珮珊就係工作時認識,又講笑話自己個樣唔係特別出眾,但太太都揀佢,證明佢太太有眼光!不過一講到邊個主動追對方先,曾國衞就話原來呢件事係佢同太太嘅「羅生門」,因為佢哋都覺得係對方主動追自己!不過佢太太算唔話得,曾國衞仲記得2007年借調去駐京辦,當時仲係女友嘅何珮珊唔止一手包辦兩人婚禮,曾國衞仲要喺北京飛返香港結婚後,冇度蜜月就飛返北京開工,所以佢好感激太太嘅付出。

李八方

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載