› 選擇地區
三藩市
紐約
洛杉磯
其他美國地區
香港 台灣 北美
 
2019年01月07日

爆相爆片:
私家車加速急煞 玩謝九巴

私家車在東隧及橋面數次煞車,最後更停車,車長報警。

葉先生上周五下晝近4點搭行走上水至香港站嘅673號線九巴過海,趕住去上環交文件,點知遇着一個私家車司機玩嘢,喺巴士前面突然加速後煞車,搞到巴士幾次急停,巴士車長最後要停車報警。

事源巴士沿慢線準備駛入東區海底隧道,一架紅色私家車切線爬頭,巴士車長要急煞,於是車長閃車頭燈同響按示警。跟住行喺巴士前面嘅私家車喺隧道入面三、四次加速,然後又突然煞車,令到巴士要跟住煞車。出隧道之後私家車喺東廊橋面斷續煞車,然後仲突然停車㖭。

巴士車長報警,葉先生話巴士有乘客落車鬧個私家車司機咁揸車好危險,對方態度輕佻,只話唔好意思。葉先生都有鬧埋一份:「你係就投訴個巴士司機,唔係搞到成車人停喺度同你玩嘅!」

警察嚟到,41歲私家車司機話39歲車長開車頭燈影響到佢。警方話兩個司機互相投訴對方駕駛態度有問題,將案列做交通投訴處理。巴士最後耽誤咗半個鐘,乘客要轉搭下一班嚟到嘅巴士,葉先生最後遲到,要央求人哋通融先交到文件咋!

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載