› 選擇地區
三藩市
紐約
洛杉磯
其他美國地區
香港 台灣 北美
 
2018年12月21日

隔牆有耳:白鴿黨搞國際事務委員會 卿姐揸弗 - 李八方

劉慧卿

近日中美貿易戰打到如火如荼,唔少議員都趁機外訪同外國講吓香港形勢,順便做游說工作。民主黨今年換屆選舉後,就決定成立國際事務委員會,顧名思義就係要搞國際關係,仲安排咗前主席劉慧卿出山做主席,前議員單仲偕做副主席。卿姐噚日同傳媒茶敍,就話上任第一件事就係要督促民主黨啲fb post 同網頁要雙語,否則外國人睇唔明就會「笑死人」。

笑稱被通知

民主黨副主席尹兆堅話,𠵱家該黨喺國際事務嘅組織較為零散,唔同議員會就個別議題約見外國領事,希望成立新委員會可以作出整合,亦向外國如實反映香港形勢。卿姐就話一直有見唔同外國領事,亦有去聯合國唔同公聽會,相信民主黨有一個官方架構,外國政界會更樂意聯絡同溝通。佢又話,今次民主黨係先成立委員會,先至通知佢要出山做主席,完全都冇知會佢,笑稱要同紀律委員會投訴。

民主黨最近經歷嚴重退黨潮,卿姐又拎番金句出嚟,強調「政治係講實力」,唔認同前綫併咗入民主黨後有人被排斥,「一合併蔡耀昌就做副主席,之後李永成做秘書長,柯耀林又做部長」,指民主黨比前綫人多,若然要排斥他們根本唔可以做到重要職位。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載