› 選擇地區
三藩市
紐約
洛杉磯
其他美國地區
香港 台灣 北美
 
2018年12月14日

爆相爆片:大媽嘆「天王椅」屈腳照瞓

大媽上車一坐低就除鞋再屈隻腳上凳,話咁快就舒服到瞓着咗。

車廂內剪指甲、睇片唔戴耳機、兩腳一伸踩上凳,搭巴士其實都可以睇到人性真面目,小記每日都見識唔少,讀者陳小姐噚日見識到大媽將巴士座位當成「天王椅」,仲享受到瞓着咗!

陳小姐噚日下晝兩點幾搭城巴A11線由機場出去銅鑼灣,坐咗喺上層左手邊,由於係平日下晝,架車乘客比較少,去到上環嗰陣有一位大媽上車,坐咗喺簡小姐嘅右手邊,點知大媽一坐低就好自然咁掛起隨身袋,再除低對鞋,蓋上披肩,「佢捽咗幾下隻腳,就將對腳放上凳,好似返咗屋企咁!」非常識享受嘅大媽喺冷氣軟座咁舒適嘅環境下,無耐就去咗搵周公。

陳小姐話,雖然大媽有着襪,旁邊嘅位亦都冇人坐,但公然咁將腳放上座位非常冇公德心,好唔衞生。小記比較關心大媽對腳咁樣向左屈曲,應該唔會太舒服,惟有佩服佢骨格清奇啦!

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載